ନୂଆଦିଲ୍ଲୀ: ଭାରତରୁ ୧୦୦ରୁ ଅଧିକ ହିନ୍ଦୁ ତିର୍ଥଯାତ୍ରୀଙ୍କ ଏକ ଦଳ ସୋମବାର ପାକିସ୍ତାନର ଲାହୋର ଗସ୍ତ କରିଛନ୍ତି। ଏହି ଦଳ ପାକିସ୍ତାନର ପଞ୍ଜାବ ପ୍ରଦେଶରେ ଥିବା କଟାସ ରାଜ ମନ୍ଦିରରେ ହେବାକୁ ଥିବା ମହାଶିବରାତ୍ରୀ ଉତ୍ସବରେ ସାମିଲ ହେବେ। ଇବେକ୍ୟୁୟି ଟ୍ରଷ୍ଟ ପ୍ରପୋଟି ବୋର୍ଡ(ଇଟିପିବି)ର ପ୍ରବକ୍ତା ଗୁଲାମ ମୋହାୟୁଦ୍ଦିନ ସୂଚନା ଦେଇ କହିଛନ୍ତି ଯେ ଏକ ଦଳରେ ୧୦୯ ହିନ୍ଦୁ ତାର୍ଥଯାତ୍ରୀ ବାଘା ବୋର୍ଡର ଦେଇ ସୀମା ରାସ୍ତା ଦେଇ ଲାହୋରରେ ଆସି ପହଞ୍ଚିଛନ୍ତି।
ଇଟିପିବିର ଅତିରିକ୍ତ ସଚିବ(ତୀର୍ଥସ୍ଥଳ) ସେଫୁଲାହ ଖୋଖର, ଉପସଚିବ ଉମର ଜାବେଦ ଅବାନ, ପାକିସ୍ତାନ ହିନ୍ଦୁ ମନ୍ଦିର ପ୍ରବନ୍ଧନ ସମିତି ସଦସ୍ୟ ଓ ସ୍ଥାନିୟ ହିନ୍ଦୁ ନେତାମାନେ ତୀର୍ଥଯାତ୍ରୀଙ୍କୁ ସୀମାରେ ସ୍ୱାଗତ କରିଥିଲେ। ଏହି ଦଳ ତ୍ରିଲୋକ ଚନ୍ଦ ଓ ରଘୁ କାନ୍ତଙ୍କ ନେତୃତ୍ତ୍ୱରେ ଭାରତରୁ ପାକିସ୍ତାନକୁ ଗ୍ରସ୍ତ କରିଛନ୍ତି। ତୀର୍ଥଯାତ୍ରୀମାନଙ୍କ ମଧ୍ୟରେ ଦିଲ୍ଲୀ, ଉତ୍ତରପ୍ରଦେଶ, ମହାରାଷ୍ଟ୍ର, ହରିୟାନା ଓ ରାଜସ୍ଥାନରୁ ଲୋକ ରହିଛନ୍ତି।
ତୀର୍ଥୟାତ୍ରୀମାନଙ୍କ ରହିବା ଓ ଖାଇବାର ବ୍ୟବସ୍ଥା ପାକିସ୍ତାନ ସଂଘୀୟ ମନ୍ତ୍ରଣାଳୟ ଓ ଇଟିପିବିର ଚେୟାରମ୍ୟାନ ସୟଦ ଅତାଉର ରେହମାନଙ୍କ ଦ୍ୱାରା କରାଯାଇଛି। ତୀର୍ଥଯାତ୍ରୀମାନେ ବୁଧବାର ସକାଳୁ ଏତିହାସିକ କଟାସ ରାଜ ମନ୍ଦିରରେ ଶିବରାତ୍ରୀ ପାଳନ ପାଇଁ ପହଞ୍ଚିବେ। ୨୭ ଫେବୃଆରି ଦିନ ତୀର୍ଥଯାତ୍ରୀମାନେ ଚକବାଲ ହୋଇ ଲହୋର ପ୍ରତ୍ୟାବର୍ତ୍ତନ କରିବେ। ତେବେ ଆସନ୍ତା ମାର୍ଚ୍ଚ ୨ ତାରିଖ ସୁଦ୍ଧା ସମସ୍ତ ତୀର୍ଥଯାତ୍ରୀମାନେ ଭାରତକୁ ଫେରିଆସିବେ।
