ମାଲକାନଗିରି/ମାଥିଲି, ୨୫/୬(ଆପ୍ର ):  ଗଛରେ ପିଟି ହୋଇ ୫୦ଫୁଟ ଉଚ୍ଚକୁ ଉଠି କଚାଡି ହୋଇ ଖଣ୍ଡ ବିଖଣ୍ଡିତ ହୋଇଛି କାର। ଦୁର୍ଘଟଣାରେ କାର ଡ୍ରାଇଭରର ମୃତ୍ୟୁ ଘଟିଛି। ଏପରି ଘଟଣା ଘଟିଛି  ମାଲକାନଗିରି ଜୟପୁର  ୩୨୬ ନମ୍ବର ଜାତୀୟ ରାଜପଥର ମାଥିଲି ବ୍ଲକ ସିଙ୍ଗଲାବେଛା ଛକ ନିକଟରେ।

  ମାଲକାନଗିରି ଜିଲ୍ଲା ପାଙ୍ଗମ ରୁ ତାପସ କୁମାର ମିତ୍ରା(୩୫) ନାମକ ଜଣେ ଯୁବକ କାର( ନଂ ସିଜି୧୮ସି ୦୬୭୫) ଧରି ଆଜି ଭୋରୁ ଜୟପୁର ଅଭିମୁଖେ ଯାଉଥିଲେ । ଉକ୍ତ କାରଟି ଭାରସାମ୍ୟ ହରାଇ ସିଙ୍ଗଲାବେଛା ଛକ ଜାତୀୟ ରାଜପଥ କଡ଼ରେ ଥିବା ବର ଗଛରେ ପିଟି ହୋଇ ୫୦ ଫୁଟ ଉପରକୁ ଉଠିଯାଇ ତଳକୁ କଚାଡି ହୋଇପଡିଥିଲା। କାର ଟି ଖଣ୍ଡ ବିଖଣ୍ଡିତ ହୋଇ ଦୂରକୁ ଛିଟିକି ହୋଇପଡ଼ିଥିଲା।  କାର ଚାଳକ  ତାପସ ମଧ୍ୟ ଛିଟିକି ହୋଇ ପଡି ମୃତ୍ୟୁ ଘଟିଛି।

ଏସମ୍ପର୍କ ରେ ସ୍ଥାନୀୟ ଲୋକେ ମାଥିଲି ଥାନା କୁ ଜଣାଇ ଥିଲେ।  ଘଟଣାସ୍ଥଳରେ   ମାଥିଲି ଥାନା ପୁଲିସ ପହଁଚି କାର ଜବତ କରିବା ସହିତ  ଗାଡି ଚାଳକ ଙ୍କ ମୃତଦେହ ଉଦ୍ଧାର କରି ବ୍ୟବଛେଦ ନିମନ୍ତେ ମାଥିଲି ହସ୍ପିଟାଲ କୁ ପଠାଇ ତଦନ୍ତ ଆରମ୍ଭ କରିଛନ୍ତି। ସୂଚନା ଯୋଗ୍ୟ ଯେ ସୋମବାର ଦିନ କୁଡୁମୁଳୁଗୁମ୍ମା ସୁନାନଗର ଛକ ଠାରେ ସିରିଜ ବାଇକ ଦୁର୍ଘଟଣା ରେ ଦୁଇଜଣ ଙ୍କର ମୃତ୍ୟୁ ଘଟିବା ସହିତ ୫ଜଣ ଆହତ ହୋଇଥିଲେ।

ଆହୁରି ପଢନ୍ତୁ : ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହେଲା କାର : ୨ମୃତ , ଜଣେ ଆହତ