ଭୁବନେଶ୍ୱର,୦୭/୦୪: କାର୍ ଓ ବାଇକ୍ରେ ଗଞ୍ଜେଇ ଚାଲାଣ ବେଳେ ମାଡ଼ି ବସିଲା ପୋଲିସ । ୨ କୁଇଣ୍ଟାଲ ଗଞ୍ଜେଇ ସହିତ କାର୍ ଏବଂ ବାଇକ୍ ଜବତ କରି ୩ ଅଭିଯୁକ୍ତଙ୍କୁ ଗିରଫ କଲା ଆଦର୍ଶ ଥାନା ପୋଲିସ । ଗିରଫ ଅଭିଯୁକ୍ତ ହେଲେ ଜିତେନ୍ଦ୍ର ମହାକୁଲ, ନିଲାଞ୍ଚଲ ଘିବିଲା ଓ ଦୁର୍ଯୋଧନ ବିଶି । ବୌଦ୍ଧ ଜିଲ୍ଲା ବଡବଙ୍କାପଡ଼ା ଠାରେ ଆଦର୍ଶ ଥାନା ପୋଲିସ ଏହି ଚଢ଼ାଉ କରିଛି ।
ସୂଚନା ମୁତାବକ, ବଡବଙ୍କାପଡ଼ା ଠାରେ ଏକ କାର୍ ଏବଂ ବାଇକ୍ ଯୋଗେ ବିପୁଳ ପରିମାଣର ଗଞ୍ଜେଇ ଚାଲାଣ ହେଉଥିଲା । ଏନେଇ ଏକ ବିଶେଷ ସୂତ୍ରରୁ ଖବର ପାଇ ଆଦର୍ଶ ଥାନା ପୋଲିସ ଅତର୍କିତ ଚଢାଉ କରିଥିଲା । ଏହି ଚଢାଉରେ ୨ କୁଇଣ୍ଟାଲ ଗଞ୍ଜେଇ ସହିତ କାର୍ ଏବଂ ବାଇକ୍ ଜବତ ହୋଇଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ ୨୦ ଲକ୍ଷ ଟଙ୍କା । ଏହା ସହ ଘଟଣା ସମ୍ପୃକ୍ତ ଥିବା ୩ ଜଣ ଅଭିଯୁକ୍ତଙ୍କୁ ମଧ୍ୟ ପୋଲିସ ଗିରଫ କରିଛି । ସମସ୍ତ ଅଭିଯକ୍ତଙ୍କୁ ଗିରଫ କରିବା ପରେ ଏଥିରେ ଆଉ କିଏ କିଏ ସାମିଲ ଅଛନ୍ତି ଏବଂ କେଉଁ ସ୍ଥାନକୁ ଗଞ୍ଜେଇ ଚାଲାଣ ହେଉଥିଲା, ତାହାର ତଦନ୍ତ କରୁଛି ପୋଲିସ ।
