ମାଲକାନଗିରି, ୧୨/୧(ଆପ୍ର ) : ଗତ ଦୁଇଦିନ ତଳେ ମାଲକାନଗିରି ରୁ ହାଇଦ୍ରାବାଦ ଯାଉଥିବା ଗୁପ୍ତା ନାମକ ଘରୋଇ ବସ ହାଇଦ୍ରାବାଦ ନିକଟରେ ଦୁର୍ଘଟଣା ଘଟି ୪ ଜଣଙ୍କର ମୃତ୍ୟୁ ଘଟିଥିବା ବେଳେ ୨୦ଜଣ ଆହତ ହୋଇଥିଲେ। ସେ ଘଟଣା ଲୋକ ମାନଙ୍କ ମନରୁ ନ ଯାଉଣୁ ସୀମାନ୍ତ ତେଲେଙ୍ଗାନା ଖମାମ ରାସ୍ତା ରେ ପୁଣି ଓଡିଶା ବସ ଦୁର୍ଘଟଣାଗ୍ରସ୍ତ ହୋଇଛି।ହାଇଦ୍ରାବାଦ ଠାରୁ ମାଲକାନଗିରି କୁ ଆସୁଥିବା ସାଇ କ୍ରୀଷ୍ଣା ବସକୁ ପଛରୁ ଟ୍ରକ ଧକ୍କା ଦେଇଛି। ଏଥିରେ ଡ୍ରାଇଭର ଆହତ ହୋଇଥିବା ବେଳେ ଅଳ୍ପକେ ବର୍ତ୍ତିଛନ୍ତି ୬୦ଯାତ୍ରୀ।
ଶନିବାର ରାତିରେ ହାଇଦ୍ରାବାଦ ଠାରୁ ମାଲକାନଗିରି ଅଭିମୁଖେ ଆସୁଥିବା ସାଇ କ୍ରିଷ୍ଣା ନାମକ ବସଟି
ତେଲେଙ୍ଗାନା ସ୍ଥିତ ଖମାମ-ହାଇଦ୍ରାବାଦ ଜାତୀୟ ରାଜପଥରେ ଶନିବାର ମଧ୍ୟରାତ୍ର ରେ ସିରିଜ ଦୁର୍ଘଟଣା ଘଟିଛି। କୋନିଜେର୍ଲା ରାସ୍ତାରେ ବସକୁ ପଛ ପଟରୁ ଏକ ଟ୍ରକ ଧକ୍କା ଦେଇଥିଲା। ପଛକୁ ପଛ ଆଉ ଦୁଇଟି ଟ୍ରକ ମଧ୍ୟ ଦୁର୍ଘଟଣା ଗସ୍ତ ହୋଇଥିଲା। ଟ୍ରକଟି ପଛରୁ ବସକୁ ଧକ୍କା ଦେବାରୁ ଡ୍ରାଇଭର ଉପସ୍ଥିତ ବୁଦ୍ଧି ଖଟାଇ ରାସ୍ତା କଡ଼କୁ ବସ ଟିକୁ ନେବା ବେଳେ ଏକ ଗଛରେ ବସଟି ପୁଣି ଥରେ ଧକ୍କା ଲାଗିବା ଦ୍ୱାରା ଡ୍ରାଇଭର ଆହତ ହୋଇଥିଲେ।, ବସ ରେ ଥିବା ସମସ୍ତ ଯାତ୍ରୀ ସୁରକ୍ଷିତ ଥିବା ଜଣା ପଡିଛି। ଘନ କୁହୁଡି ଯୋଗୁ ଏହି ଦୁର୍ଘଟଣା ଘଟିଥିବା ସୁଚନା ମିଳିଛି। ପୁଲିସ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଛି।
