ମାଲକାନଗିରି,୧୦/୧ : ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡର ନାରାୟଣପୁର ଜିଲ୍ଲାରେ ମାଓବାଦୀ ଖଞ୍ଜିଥିବା ଆଇଡି ବୋମା ବିସ୍ଫୋରଣରେ ଜଣେ ଗ୍ରାମବାସୀ ଗୁରୁତର ହୋଇଛନ୍ତି। ସୂଚନା ଅନୁଯାୟୀ ଜିଲ୍ଲାର ଓରଛା ଥାନା ଅନ୍ତର୍ଗତ ଇତୁଲ ଗ୍ରାମ ରାସ୍ତାରେ ମାଓବାଦୀ ଯବାନଙ୍କୁ ଟାର୍ଗେଟ କରି ଏକ ଆଇଡି ବୋମା ଖଞ୍ଜିଥିବାବେଳେ ଏହି ବୋମାଟି ବିସ୍ଫୋରଣ ଘଟି ଏଥିରେ ଜଣେ ସ୍ଥାନୀୟ ବାସିନ୍ଦା ଗୁରୁତର ଆହତ ହୋଇଛନ୍ତି ।
ଆହତ ବ୍ୟକ୍ତିଙ୍କ ନାମ ଶୁଭମ ପୋଡିୟମ ହୋଇଥିବାବେଳେ ତାଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଲୋକେ ନାରାୟଣପୁର ମେଡିକାଲରେ ଭର୍ତ୍ତି କରାଇଛନ୍ତି । ଏ ନେଇ ଖବରପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
