ବୌଦ୍ଧ,୨୭/୦୯: ଦାଦନ ଖଟିବାକୁ ଯାଇ ସୁରଟରେ ପ୍ରାଣ ହରାଇଲେ ବୌଦ୍ଧର ଯୁବକ । ସେ ସୁରଟର ଏକ କପଡା ମିଲରେ କାର୍ଯ୍ୟରତ ଥିଲେ । ମୃତକ ବଢ଼ିଗାଁ ଗ୍ରାମର ୨୭ ବର୍ଷୀୟ ବାବୁଲି ଜେନା ବୋଲି ଜଣାପଡ଼ିଛି । ଗୁଜୁରାଟର ସୁରଟରେ ଏଭଳି ଘଟଣା ଘଟିଛି ।

ସୂଚନା ମୁତାବକ, ବାବୁଲି ଜେନା ଗତ ଦୁଇ ବର୍ଷ ହେବ ଗୁଜୁରାଟର ସୁରଟଠାରେ ଥିବା କପଡା ମିଲରେ କାମ କରୁଥିଲେ । ସେ ବୌଦ୍ଧ ଜିଲ୍ଲା ବଢ଼ିଗାଁ ଗ୍ରାମର ମୂଳ ବାସିନ୍ଦା । ତେବେ ସୁରଟରେ କାର୍ଯ୍ୟରତ ଥିବାବେଳେ ତାଙ୍କର ସ୍ବାସ୍ଥ୍ୟାବସ୍ଥା ଭଲ ନଥିବା ହେତୁ, ସୁରଟ ମେଡିକାଲରେ ତାଙ୍କର ଚିକିତ୍ସା କରାଯାଉଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ଯୁବକ ଜଣକ ପ୍ରାଣ ହରାଇଥିଲେ । ଏନେଇ ବାବୁଲିଙ୍କ ସହକର୍ମୀ ତାଙ୍କ ପରିବାର ଲୋକଙ୍କୁ ଖବର ଦେଇଥିଲେ । ଖବର ପାଇ ସୁରଟରୁ ମୃତଦେହ ଆଣିବାକୁ ପ୍ରଶାସନର ସାହାଯ୍ୟ ଲୋଡିଲେ ପରିବାର ।