ଉଦଳା, ୨୨/୦୭ : କପ୍ତିପଦା ଥାନା ସୋନ ଡ୍ୟାମରୁ ମହିଳାଙ୍କ ମୃତଦେହ ଉଦ୍ଧାର। ଡ୍ୟାମ୍ରେ ଜଣେ ମହିଳାଙ୍କ ମୃତଦେହ ଭାସୁଥିବା ଆଜି ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ଏନେଇ ପୋଲିସକୁ ଖବର ଦେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଅଗ୍ନିଶମ ବାହିନୀ ସହାୟତାରେ ମହିଳାଙ୍କ ମୃତଦେହ ଉଦ୍ଧାର କରିଛି।
ସୂଚନାନୁଯାୟୀ, ଉଦ୍ଧାର ମହିଳାଙ୍କ ପରିଚୟ ମିଳିପାରି ନଥିବା ବେଳେ ପୋଲିସ ଘଟଣାର ତଦନ୍ତ ଆରମ୍ଭ କରିଛି। ତେବେ ମହିଳା ଜଣଙ୍କ କିଏ ତାଙ୍କର ମୃତ୍ୟୁ କିପରି ହୋଇଛି ଏବଂ ତାଙ୍କ ମୃତଦେହ ଡ୍ୟାମକୁ କିପରି ଆସିଲା ତାହାର ତଦନ୍ତ କରୁଛି ପୋଲିସ। ଅନ୍ୟପଟେ ଦେଖିବାକୁ ଗଲେ ଡ୍ୟାମରେ ବୁଡି ତାଙ୍କର ମୃତ୍ୟୁ ହୋଇଛି ନା ମୃତ୍ୟୁ ପଛର କାରଣ କଣ ତାହା ସ୍ପଷ୍ଟ ହୋଇନାହିଁ।
