ଭୁବନେଶ୍ୱର,୦୩/୦୨: ମେରାମାହା ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା । ବାଇକ୍ ସହ ମୁହାଁମୁହିଁ ଧକ୍କା ହେଲା ସ୍କୁଟି । ଦୁର୍ଘଟଣାରେ ଜଣେ ପ୍ରାଣ ହରାଇଥିବା ବେଳେ ଆଉ ୨ ଜଣ ଗୁରୁତର ହୋଇଛନ୍ତି । ମୃତକ ଗଦାପୁର ଗ୍ରାମର ଦମନିକ ଉଠାନସିଂ ଏବଂ ଗୁରୁତର ଆହତ ୨ ଜଣ ବ୍ରାହ୍ମଣୀଗାଁ ଅଞ୍ଚଳର ରତନ ନାୟକ ଓ ଭଜନ ସିଂ ବୋଲି ଜଣାପଡ଼ିଛି । କନ୍ଧମାଳ ଜିଲ୍ଲା ବ୍ରାହ୍ମଣୀଗାଁ ଥାନା ଅନ୍ତର୍ଗତ ମେରାମାହା ଛକରେ ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
୧୫ ଶୁଆ ଶାବକ ଓ ୩ ଟି କଇଁଛ ଉଦ୍ଧାର, ୪ ଅଭିଯୁକ୍ତ ଗିରଫ
ସୂଚନା ମୁତାବକ, ଏକ ବାଇକ୍ ଏବଂ ଏକ ସ୍କୁଟି ରାସ୍ତାରେ ଯାଉଥିବା ବେଳେ ମେରାମାହା ଛକରେ ମୁହାଁମୁହିଁ ଧକ୍କା ହୋଇଥିଲେ । ଏହି ଦୁର୍ଘଟଣାରେ ଜଣେ ପ୍ରାଣ ହରାଇଥିବା ବେଳେ ଆଉ ୨ ଜଣ ଗୁରୁତର ହୋଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ଆହତ ଦ୍ୱୟଙ୍କୁ ନିକଟସ୍ଥ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଛି । ଏହା ସହ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।
