ନୂଆଦିଲ୍ଲୀ : ବିସିସିଆଇ ଆଜି ୨୦୨୪-୨୫ ଘରୋଇ ସିଜିନର ମ୍ୟାଚ୍ ତାରିଖ ଓ ଭେନ୍ୟୁ ଘୋଷଣା କରିଛି। ଏହି ଘରୋଇ ସିଜିନରେ ଭାରତ ଗସ୍ତରେ ବାଂଲାଦେଶ, ନ୍ୟୁଜିଲାଣ୍ଡ ଓ ଇଂଲଣ୍ଡ ଟିମ୍ ଆସିବେ। ଏହି ସମୟରେ ଭାରତୀୟ ଦଳ ମୋଟ୍ ୫ଟି ଟେଷ୍ଟ, ୮ଟି ଟି-୨୦ ଏବଂ ୩ଟି ଦିନିକିଆ ମ୍ୟାଚ୍ ଖେଳିବ।
ବଂଲାଦେଶ- ପ୍ରଥମେ ଭାରତୀୟ ଟିମ୍ ସେପ୍ଟେମ୍ବର ମାସରେ ବାଂଲାଦେଶ ସହ ଘରୋଇ ମଇଦାନରେ ମ୍ୟାଚ୍ ଖେଳିବ । ଭାରତ ବନାମ ବାଲାଦେଶ ମ୍ୟାଚ୍ ୧୯ ସେପ୍ଟେମ୍ବରରୁ ୧୨ ଅକ୍ଟୋବର ପର୍ଯ୍ୟନ୍ତ ଚାଲିବ । ଏହି ସମୟରେ ଦୁଇଟି ଟେଷ୍ଟ ମ୍ୟାଚ୍ ଚେନ୍ନାଇ ଏବଂ କାନପୁରରେ ହେବ । ୬ରୁ ୧୨ ଅକ୍ଟୋବର ମଧ୍ୟରେ ଦୁଇ ଟିମ ୩ଟି ଟି-୨୦ ମ୍ୟାଚ୍ ଖେଳିବେ । ଏହି ୩ଟି ମ୍ୟାଚ୍ ଧର୍ମଶାଳା, ଦିଲ୍ଲୀ ଏବଂ ହାଇଦ୍ରାବାଦରେ ଖେଳାଯିବ ।
ନ୍ୟୁଜିଲାଣ୍ଡ- ବାଂଲାଦେଶ ବିପକ୍ଷରେ ସିରିଜ୍ ଶେଷ ହେବାର ୪ ଦିନ ପରେ ନ୍ୟୁଜିଲାଣ୍ଡ ସହ ୩ଟି ଟେଷ୍ଟ ମ୍ୟାଚ୍ ବିଶିଷ୍ଟ ସିରିଜ୍ ଖେଳିବ ଭାରତ । କିଓ୍ବି ଟିମ୍ ୧୬ ଅକ୍ଟୋବରରୁ ୧ ଡିସେମ୍ବର ପର୍ଯ୍ୟନ୍ତ ଭାରତ ସହ ୩ଟି ଟେଷ୍ଟ ମ୍ୟାଚ୍ ଖେଳିବ । ଏହି ମ୍ୟାଚ୍ ବେଙ୍ଗାଲୁରୁ, ପୁଣେ ଏବଂ ମୁମ୍ବାଇରେ ଖେଳାଯିବ ।
ଇଂଲଣ୍ଡ- ୨୦୨୫ ଅର୍ଥାତ ନୂଆବର୍ଷ ଆରମ୍ଭରୁ ଇଂଲଣ୍ଡ ସହ ମୁହାଁମୁହିଁ ହେବ ଭାରତ । ଜାନୁଆରୀ ୨୨ରୁ ଫେବୃଆରୀ ୧୨ ପର୍ଯ୍ୟନ୍ତ ଭାରତରେ ରହିବ ଇଂଲଣ୍ଡ କ୍ରିକେଟ ଟିମ୍ ।ପ୍ରାୟ ୩ ସପ୍ତାହ ମଧ୍ୟରେ ଭାରତ ଏବଂ ଇଂଲଣ୍ଡ ମଧ୍ୟରେ ୫ଟି ଟି-୨୦ ଏବଂ ୩ଟି ଦିନିକିଆ ମ୍ୟାଚ୍ ଖେଳାଯିବ । ୮ଟି ମ୍ୟାଚ୍ ଭାରତର ୮ଟି ଭିନ୍ନ ଭିନ୍ନ ଷ୍ଟାଡିୟମରେ ଖେଳାଯିବ ।
