ରାଞ୍ଚି,୦୫/୦୧: ପିକନିକ ସାରି ଫେରୁଥିଲେ ପିଟି ଦେଲା ଟ୍ରକ୍ । ଚାଲିଗଲା ୪ ଜୀବନ । ଝାଡଖଣ୍ଡ ଡୁମୁକା ମୁଫାସିଲ ଥାନା ଅଞ୍ଚଳରେ ଏକ ମର୍ମନ୍ତୁଦ ସଡକ ଦୁର୍ଘଟଣା ହୋଇଛି । ଅଟୋ ସହ ଟ୍ରକ୍ ମୁହାଁମୁହିଁ ଧକ୍କା ହେବା ଫଳରେ ପରିବାରର ୪ ଜଣଙ୍କର ମୃତ୍ୟୁ ହୋଇଛି । ଅନ୍ୟ ୪ ଗୁରୁତରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
#WATCH | Jharkhand: 4 people died and several injured after an auto and truck collided with each other in Dumka. pic.twitter.com/u5SkdMCSUm
— ANI (@ANI) January 4, 2025
ମିଳିଥିବା ସୂଚନା ଅନୁସାରେ ଦୁର୍ଘଟଣା ମୁଫାସିଲ ଥାନା ଅଞ୍ଚଳରେ ହୋଇଛି । ଗୋଟିଏ ପରିବାର ପିକନିକ ସାରି ଘରକୁ ଫେରୁଥିଲେ । ଅଟୋରେ ମୋଟ ୮ ଜଣ ଲୋକ ଥିଲେ । ମୁଫାସିଲ ନିକଟରେ ଅଟୋକୁ ଟ୍ରକଟି ସାମ୍ନା ପଟୁ ଧକ୍କା ଦେଇଥିଲା । ଏଥିରେ ପରିବାରର ୪ ଜଣଙ୍କର ମୃତ୍ୟୁ ହୋଇଛି । ଦୁର୍ଘଟଣାର ଖବର ପାଇ ତୁରନ୍ତ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଥିଲା । ଘଟଣାସ୍ଥଳରେ ହିଁ ୪ ଜଣଙ୍କର ମୃତ୍ୟୁ ହୋଇଥିଲା । ଆହତ ୪ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ଅବସ୍ଥା ଗୁରୁତର ରହିଛି ।
ଏସଡିପିଓ ବିଜୟ କୁମାର ମହନ୍ତ କହିଛନ୍ତି, ଟ୍ରକ ଜବତ ହୋଇଛି । ଦୁର୍ଘଟଣାରେ ୪ଜଣଙ୍କର ମୃତ୍ୟୁ ହୋଇଛି । ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଡୁମକା ସର୍କଲ ଅଫିସର ଅମର କୁମାର କହିଛନ୍ତି ମାସାନଜୋର ଡ୍ୟାମରୁ ପରିବାର ପିକନିକ ସାରି ଘରକୁ ଫେରୁଥିଲେ । ଟ୍ରକଟି ଅଟୋକୁ ପିଟିବା ଫଳରେ ଅଟୋଟି ଭାଙ୍ଗିରୁଜି ଯାଇଛି । ଦୁର୍ଘଟଣାର କାରଣ ଜଣାପଡିନାହିଁ । କୁହୁଡି କାରଣରୁ ଏପରି ହୋଇଥିବା ଅନୁମାନ କରାଯାଉଛି ।
