ଭୁବନେଶ୍ୱର ୨୪/୦୬: ଜ୍ୟୋତିଷ ଶାସ୍ତ୍ରର ଏକ ମୁଖ୍ୟ ଅଙ୍ଗ ସାମୁଦ୍ରିକ ଶାସ୍ତ୍ର । ସାମୁଦ୍ରିକ ଶାସ୍ତ୍ର ଅନୁଯାୟୀ ମଣିଷ ଶରୀରର ବିଭିନ୍ନ ଅଙ୍ଗରେ ଦେଖାଯାଉଥିବା କଳାଜାଇ ବା ତିଳର ପ୍ରଭାବ ସମ୍ପୃକ୍ତ ବ୍ୟକ୍ତିର ଗୁଣ,ସ୍ୱଭାବ ଉପରେ ପଡ଼ିଥାଏ । ବିଶେଷ କରି ବୈବାହିକ ଜୀବନ ଏହାଦ୍ୱାରା ପ୍ରଭାବିତ ହୋଇଥାଏ ବୋଲି ସାମୁଦ୍ରିକ ଶାସ୍ତ୍ରର ମତ ।
ଶାସ୍ତ୍ର ମତ ଅନୁଯାୟୀ ଯେଉଁ ମହିଳା ବା ପୁରୁଷଙ୍କ ଓଠ ଉପରେ କଳାଜାଇ ଥାଏ ସେମାନେ ବହୁତ କଥା କୁହାଳିଆ ହୋଇଥାନ୍ତି । ସେମାନେ ‘ତିଳକୁ ତାଳ’ କରିଦେଇଥାନ୍ତି । ଅର୍ଥାତ୍ ସାମାନ୍ୟ କଥାକୁ ବଡ଼ ରୂପ ଦେଇଥାନ୍ତି । ଏଣୁ ସାମାନ୍ୟ କଥାରୁ ବିବାଦ ସୃଷ୍ଟି ହେବାର ସମ୍ଭାବନା ବଢ଼ିଯାଏ । ଏପରି ବ୍ୟକ୍ତି ବିଶେଷ ସଚେତନ ହୋଇ ନିଜର ବାଣୀ ବା କଥା ଉପରେ ନିୟନ୍ତ୍ରଣ ରଖିବା ଉଚିତ । କମ୍ କଥା କହିବାକୁ ଅଭ୍ୟାସ କଲେ ବିବାଦୀୟ ପରିସ୍ଥିତି ଉପୁଜିବ ନାହିଁ । ବୈବାହିକ ଜୀବନ ଏହାଦ୍ୱାରା ପ୍ରଭାବିତ ହୋଇଥାଏ ବୋଲି ସାମୁଦ୍ରିକ ଶାସ୍ତ୍ରର ମତ ।