ଯାଜପୁର, ୧୯/୦୭ : ଭାରସାମ୍ୟ ହରାଇ ରାସ୍ତାକଡ଼ ଗଛକୁ ପିଟିଲା ଆମ୍ବୁଲାନ୍ସ। କଟକରୁ ଯାଜପୁର ବିଞ୍ଝାରପୁର ଯାଉଥିବା ସମୟରେ ତାଉନ୍ତରା ଛକ ନିକଟରେ ଏହି ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣ ଆହତ ହୋଇଛନ୍ତି।
ସୂଚନାନୁଯାୟୀ, ଗୁରୁବାର ବିଳମ୍ବିତ ରାତିରେ ରୋଗୀ ନେଇ ଫେରୁଥିବା ସମୟରେ ତାଉନ୍ତରା ଛକ ନିକଟରେ ଏକ ଆମ୍ବୁଲାନ୍ସ ଭାରସାମ୍ୟ ହରାଇ ରାସ୍ତାକଡ଼ ଗଛକୁ ଧକ୍କା ଦେଇଛି। ଏହି ଦୁର୍ଘଟଣାରେ ଜଣେ ରୋଗୀର ମୃତ୍ୟୁ ହୋଇଥିବା ବେଳେ ୩ ଜଣ ଆହତ ହୋଇଛନ୍ତି। ମୃତକ ହେଲେ ଟିଣା ଅଞ୍ଚଳର ଆନନ୍ଦ ଜେନା (୫୦ ବର୍ଷ)।