ନୂଆଦିଲ୍ଲୀ: ସୋମବାର ଏୟାର ଇଣ୍ଡାଆର ବମାନ ଆମେରିକାରେ ଜରୁରି ଅବତରଣ କରିବା ପରେ ଏହା ପଛର ପ୍ରକୃତ ଘଟଣା ସମସ୍ତଙ୍କ ସାମ୍ନାକୁ ଆସିଛି। ଖବର ମୁତାବକ ବିମାନରେ ଥିବା ସମସ୍ତ ୧୨ଟି ଶୌଚାଳୟରୁ ଅଧିକାଂଶ ଶୌଚାଳୟ ଅବ୍ୟବହୃତ ହେବାପରେ ବିମାନଟି ଆମେରିକାରେ ଜରୁରି ଅବତରଣ କରିଥିବା ଜଣାପଡିଛି। ଏନେଇ ବିମାନ ପରିଚଳନା କତ୍ତୃପକ୍ଷ କହିଛନ୍ତି ଯେ ପଲିଥିନ୍ ବ୍ୟାଗ୍, ଛିଣ୍ଡା ପୋଷାକ ପରି ଜିନିଷଗୁଡ଼ିକ ଶୌଚାଳୟରେ ଫ୍ଲସ୍ ହୋଇଥିବାରୁ ପାଇଖାନାଗୁଡ଼ିକ ବନ୍ଦ ହୋଇଯାଇଥିଲା। ଯେଉଁଥିପାଇଁ ସେଗୁଡ଼ିକ ବ୍ୟବହାର ଅଯୋଗ୍ୟ ହୋଇଯାଇଥିଲା।
ଏୟାରଲାଇନ ଦେଇଥିବା ସୂଚନା ଅନୁଯାୟି ବିମାନରେ ଥିବା ସମସ୍ତ ୧୨ଟି ଶୌଚାଳୟ ମଧ୍ୟରୁ ୮ ଶୌଚାଳୟ ଅଚଳ ହୋଇଯାଇଥିଲା। ଏହାଛଡା ଇଉରୋପରେ ଥିବା ଆମର ଡାଇଭର୍ସନ ପଏଣ୍ଟ ଘଟଣାସ୍ଥଳଠୁ ବହୁ ଦୁରରେ ଥିଲା। ଏହା ସହ ସେଠାରେ ଆମକୁ ରାତ୍ରୀକାଳିନ ସୁବଧା ସୁଯୋଗ ମଧ୍ୟ ମିଲିପାରି ନଥାନ୍ତା। ତେଣୁ ବାଧ୍ୟ ହୋଇ ଆମକୁ ଚିକାଗୋକୁ ଫେରିବାକୁ ପଡିଥିଲା।
ଏୟାର ଇଣ୍ଡିଆ ଏକ ବିବୃତି ଜାରି କରି କହିଛି ଯେ “ଆମ ନିକଟକୁ ସାମାଜିକ ଗଣମାଧ୍ୟମ ଦ୍ୱାରା କେତେକ ଅଭିଯୋଗ ଆସିଥିଲା। ଯେଉଁଥିରେ ଗତ ମାର୍ଚ୍ଚ ୫ ତାରିଖରେ ଚିକାଗୋରୁ ଦିଲ୍ଲୀ ପାଇଁ ଉଡାଣ ଭରିଥିବା ଏଆଇ୧୨୬ ବିମାନରେ ଲାଭାଟେରୀସ୍ ରେ ଅସୁବିଧା ଥିବା ନେଇ ଅଭିଯୋଗ ଆସିଥିଲା। ଏଣୁ ବିମାନଟି ୪୫ ମିନିଟର ଉଡାଣ ଭରିବା ପରେ ମଧ୍ୟ ବାଧ୍ୟ ହୋଇ ଚିକାଗୋ ଆନ୍ତର୍ଜାତିୟ ବିମାନବନ୍ଦରରେ ଅବତରଣ କରିଥିଲା।” ଯଦି ଆମେ ଏହା ନକରିଥାନ୍ତୁ ଅନେକ ଯାତ୍ରୀ ଅସୁବିଧାର ସମ୍ମୁଖିନ ହୋଇଥାନ୍ତେ ବୋଲି ଏୟାର ଇଣ୍ଡିଆ କହିଛି।
ଏନେଇ ଏୟାର ଇଣ୍ଡିଆର ମୁକପାତ୍ର କହିଛନ୍ତି ଯେ “ଆମେ ଏ ଘଟମା ସମ୍ପର୍କରେ ଜାଣିଲା ବେଳକୁ ବିମାନ ଆଟଲାଣ୍ଟିକ ସମୁଦ୍ର ଉପରେ ନିଜର ଉଡାଣ ଭରୁଥିଲା। ତେବେ ଇଉରୋପରେ ରାତ୍ରୀକାଳିନ ଅପରେସନର ସୁବିଧା ମହଜୁଦ ନଥିବାରୁ ଆମେ ବିମାନଟିକୁ ଫୁଣି ଚିକାଗୋ ବିମାନ ବନ୍ଦରରେ ଅବତରଣ କରିବାକୁ ନିଷ୍ପତ୍ତି ନେଇଥିଲୁ।”
ଏହି ଘଟଣା ପ୍ରଥମେ ଜଣାପଡିବା ପରେ ଏହା ଏକ ଆତଙ୍କୀ ଆକ୍ରମଣ କିମ୍ୱା ବିମାନର ଇଞ୍ଜିନରେ ଅସୁବିଧା ଥାଇପାରେ ଆଶଙ୍କା ପ୍ରକାଶ କରାଯାଉଥିଲା। ତେବେ ଏୟାର ଇଣ୍ଡିଆ ମୁଖପାତ୍ର ଏନେଇ ସ୍ପଷ୍ଟୋକ୍ତି ଦବା ପରେ ଲୋକମାନେ ଆଶ୍ୱସ୍ତି ହୋଇଛନ୍ତି।
