ବାଙ୍ଗିରିପୋଷି,୨୨/୫ : ମୟୁରଭଞ୍ଜ ଜିଲ୍ଲା ବାଙ୍ଗିରିପୋଷି ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥର ଦ୍ୱାରଶୁଣି ଘାଟି ରାସ୍ତାରେ ଦୁର୍ଘଟଣା। ୫୦ ଫୁଟ ତଳକୁ ଖସିଲା ଟ୍ରକ୍। ଡ୍ରାଇଭର୍ ମୃତ।
ସୂଚନା ଅନୁସାରେ, ଏକ ପ୍ଲାଷ୍ଟିକ ଦାନା ବୋଝେଇ ଟ୍ରକ୍ କଲିକତା ଅଭିମୁଖେ ଯାଉଥିବା ବେଳେ ଦ୍ୱାରଶୁଣି ଘାଟି ରାସ୍ତାରେ ଭାରସାମ୍ୟ ହରାଇ ୫୦ ଫୁଟ ତଳକୁ ଖସିପଡିଥିଲା। ଫଳରେ ଟ୍ରକ୍ର କେବିନ ଭିତରେ ଡ୍ରାଇଭର୍ ଜଣଙ୍କ ଚାପି ହୋଇ ଯାଇଥିଲେ। ଘଟଣା ସ୍ଥଳରେ ବାଙ୍ଗିରିପୋଷି ପୁଲିସ ଓ ଅଗ୍ନିଶମ ବିଭାଗ କର୍ମଚାରୀ ପହଁଚି ଦୀର୍ଘ ସମୟ ପରିଶ୍ରମ ପରେ ଟ୍ରକର ଭଗ୍ନାବଶେଷକୁ କଟର ସାହାଯ୍ୟରେ କାଟି ଡ୍ରାଇଭର୍ଙ୍କୁ ଉଦ୍ଧାର କରିଥିଲେ। ତାଙ୍କୁ ବାଙ୍ଗିରିପୋଷି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଅଣାଯାଇଥିଲା। ତେବେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ମୃତକ ଜଣଙ୍କ ହେଉଛନ୍ତି ହରିୟାଣାର ବିଛୁ ଅଞ୍ଚଳର ଉସମାନ ଖାନ। ସେପଟେ ଦୁର୍ଘଟଣା ଯୋଗୁଁ କିଛି ସମୟ ପାଇଁ ରାଜପଥରେ ଯାତାୟାତ ବନ୍ଦ ହୋଇଯାଇଥିଲା। ବାଙ୍ଗିରିପୋଷି ପୁଲିସ ପ୍ରଚେଷ୍ଟାରେ ପୁଣିଥରେ ଯାନବାହନ ଚଳାଚଳ ସ୍ୱାଭାବିକ ହୋଇଥିଲା।
