କେନ୍ଦୁଝର ସଦର,୧୮/୭ :  କେନ୍ଦୁଝର ଜିଲ୍ଲା ସଦର ଥାନା ଅନ୍ତର୍ଗତ ବାଉରୀପଦା ପଞ୍ଚାୟତ ମୁକୁନା ଗ୍ରାମର ଜଣେ ଯୁବକ ପନିକିରେ ବେକ କାଟି ଆତ୍ମହତ୍ୟା କରିଛି। ଯୁବକ ଜଣକ ହେଲେ  ସର୍ଗତ ଘନ ନାଏକ ପୁଅ ରଣଜିତ କୁମାର ନାଏକ(୩୫)। 

ବୁଧବାର ରାତି ୯ ଘଟିକା ସମୟରେ ଦୋକାନରୁ ସଉଦା ଆଣିକି ଆସି ରଣଜିତ ଘରେ ଥିବା ପନିକିରେ ନିଜ ବେକ କାଟି ହୋଇଥିଲେ।ପ୍ରବଳ ରକ୍ତସ୍ରାବ ହେବା ସହିତ ଗୁରୁତର ହେବାରୁ ତାଙ୍କୁ ପରିବାର ଲୋକେ ତୁରନ୍ତ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ।ସେଠାରେ ଚିକିତ୍ସାଧିନ ଅବସ୍ଥାରେ ରଣଜିତଙ୍କ ମୃତ୍ୟୁ ଘଟିଛି। ଖବର ପାଇଁ ସଦର ଥାନା ଏସ୍ ଆଇ ଦିଲ୍ଲିପ ମୁର୍ମୁ ମେଡିକାଲରେ ପହଞ୍ଚି ଏକ ଅପମୃତ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲେ। ପରେ ଶବ ବ୍ୟବଛେଦ କରାଇ ମୃତଦେହ ପରିବାରଙ୍କୁ ହସ୍ତାନ୍ତର କରାଯାଇଛି। ବର୍ଷେ ତଳେ ବ୍ଲେଡ଼ରେ ବେକ କାଟି କଟକ ବଡ଼ ଡ଼ାକ୍ତରଖାନାରେ ଚିକିତ୍ସିତ ହୋଇ ରଣଜିତ ଫେରିଥିଲା।