ନବରଙ୍ଗପୁର, ୩/୯ : ରକ୍ତହୀନତାର ଶୀକାର ଜଣେ ଗର୍ଭବତୀ ମହିଳାଙ୍କୁ ରକ୍ତଦାନ ଜଣେ ମହିଳା ଉକ୍ତ ମହିଳାଙ୍କ ଜୀବନ ବଞ୍ଚାଇଛନ୍ତି । କେବଳ ଜଣେ ମହିଳାଙ୍କର ଜୀବନ ନୁହେଁ, ଗର୍ଭବତୀ ମହିଳାଙ୍କ ସମେତ ତାଙ୍କର ଜନ୍ମିତ ଜାଆଁଳା ଶିଶୁ କନ୍ୟାର ଜୀବନ ବଞ୍ଚାଇଛନ୍ତି । ଏଭଳି ଦୃଶ୍ୟ ଦେଖିବାକୁ ମିଳିଛି, ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ । 

ମଙ୍ଗଳବାର ପାପଡାଣ୍ଡି ବ୍ଲକର ଜାମଗୁଡା ଗାଁର ରକ୍ତହୀନତାରେ ଶୀକାର ଗର୍ଭବତୀ ମହିଳା ବେଲପାଇକ(୨୮)ଙ୍କୁ ଗୁରୁତର ଅବସ୍ଥାରେ ପ୍ରସବଜନୀତ ଚିକିତ୍ସା ପାଇଁ ପରିବାର ଲୋକେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ବେଲଙ୍କ ହିମୋଗ୍ଳୋବିନ ପରିମାଣ ୬ପ୍ରତିଶତକୁ ଖସିଯାଇଥିଲା । ଏଥିପାଇଁ ରକ୍ତର ଛଡ଼ାଇବାକୁ ଡାକ୍ତର ପରାମର୍ଶ ଦେଇଥିଲେ । ଗର୍ଭବତୀ ମହିଳାଙ୍କୁ ରକ୍ତର ଆବଶ୍ୟକତା ଖବରପାଇ ନବରଙ୍ଗପୁର ସହର ସତ୍ୟସାଇ ସମିତି ସଦସ୍ୟା କୁମୁଦିନୀ ଦାଶ ଡାକ୍ତରଖାନା ପହଞ୍ଚି ବେଲଙ୍କୁ ରକ୍ତ ଦାନ କରିଥିଲେ । ରକ୍ତ ଦାନ କରିବା ପରେ ବେଲ ଜାଆଁଳା ଶିଶୁ କନ୍ୟାଙ୍କୁ ଜନ୍ମ ଦେଇଥିଲେ । 

ତେବେ ଉଭୟ ମାଆ ଦୁଇ ଶିଶୁ ସୁସ୍ଥ ଥିବା କହିଛନ୍ତି । ଆବଶ୍ୟକ ପଡିଲେ ଆହୁରି ଗୋଟିଏ ୟୁନିଟର ରକ୍ତ ଆବଶ୍ୟକ ପଡ଼ିପାରେ ବୋଲି ଡାକ୍ତର କହିଛନ୍ତି । ଅନ୍ୟପକ୍ଷରେ କୁମୁଦିନୀ ରକ୍ତ ଦାନ କରି ଅନ୍ୟ ମହିଳାଙ୍କ ପାଇଁ ଉଦାହରଣ ସୃଷ୍ଟି କରିଥିବା ବେଳେ ପରିବାର ପକ୍ଷରୁ କୁମୁଦିନୀକୁ କୃତଜ୍ଞତା ଜଣାଯାଇଛି ।