ତେଲକୋଇ, ୦୪/୦୭ : ଭାରସାମ୍ୟ ହରାଇ ଓଲଟିଲା ଗ୍ୟାସ୍ ବୋଝେଇ ପିକଅପ୍ ଭ୍ୟାନ୍। ଗୁରୁବାର ସକାଳ ପ୍ରାୟ ୬ଟାରେ ତେଲକୋଇ-ବିମଳା ରାସ୍ତାର ଦୁଲ୍ଲଭପୁର ଗାଁ ନିକଟରେ ଏହି ଦୁର୍ଘଟଣା ଘଟିଛି। ଡ୍ରାଇଭର୍ ଏକ ବଡ଼ ଧରଣର ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି।
ସୂଚନାନୁଯାୟୀ, ଢେଙ୍କାନାଳ ଜିଲ୍ଲା କଙ୍କଡାହାଡ ବ୍ଲକର ବିମଳା ଗ୍ୟାସ୍ ଏଜେନ୍ସିରୁ ଗ୍ୟାସ୍ ନେଇ ଏକ ପିକଅପ୍ ଭ୍ୟାନ୍ ତେଲକୋଇ ଅଭିମୁଖେ ଆସୁଥିଲା। ଏହି ସମୟରେ ଦୁଲ୍ଲଭପୁର ପୁର ଗାଁ ନିକଟରେ ପିକଅପ୍ ଭ୍ୟାନ୍ଟି ଏକ ଧାନ ଜମିକୁ ଓଲଟି ପଡିଥିଲା। ତେବେ ପିକଅପ୍ ଭ୍ୟାନ୍ ଡ୍ରାଇଭର୍ ଅଳ୍ପକେ ବର୍ତ୍ତି ଯାଇଛନ୍ତି। ଅନ୍ୟ କାହାର କିଛି କ୍ଷତି ଘଟିନଥିବା ଜଣାପଡିଛି।
