ଗୁଜରାଟ : ଗୁଜରାଟର ଭରୁଚ ସହରର ଅଙ୍କଲେଶ୍ୱର ଅଞ୍ଚଳ ସ୍ଥିତ ଏକ କବାଡ଼ିଆ ଗୋଦାନରେ ଶୁକ୍ରବାର ସନ୍ଧ୍ୟାରେ ଭୀଷଣ ଅଗ୍ନିକାଣ୍ଡ ଘଟିଛି। ନିଆଁକୁ କାବୁ କରିବା ପାଇଁ ୧୦ରୁ ଅଧିକ ଅଗ୍ନିଶମ ବାହିନୀ ଗାଡ଼ି ଘଟଣା ସ୍ଥଳରେ ଅଛନ୍ତି। ନିଆଁ ଏତେ ଭୟାନକ ହୋଇଛି ଯେ, ଏବେସୁଦ୍ଧା ପାଖାପାଖି ୫ଟି କବାଡିଆ ଗୋଦାମ ଜଳି ପାଉଁଶ ହୋଇ ଯାଇଛି।
ଏହି ଅଗ୍ନିକାଣ୍ଡର ଯେଉଁ ଭିଡ଼ିଓ ସାମ୍ନାକୁ ଆସିଛି, ଏଥିରେ ନିଆଁର ଖୁବ୍ ଉଚ୍ଚ ଉଚ୍ଚ ଆସ୍ତରଣ ଉପରକୁ ଉଠିବାର ଦେଖିବାକୁ ମିଳୁଛି। ଏହାସହ ବହୁ ମାତ୍ରାରେ ଲଗାତାର ଧୂଆଁ ମଧ୍ୟ ବାହାରିବାର ଦେଖିବାକୁ ମିଳୁଛି।
ସୂଚନା ଯେ, ଏହା ପୂର୍ବରୁ ଶୁକ୍ରବାର ସକାଳେ ଗୁଜରାଟର ରାଜକୋଟରେ ୧୨ ମହଲା ଆବାସୀୟ ବିଲ୍ଡିଂରେ ଭୀଷଣ ନିଆଁ ଲାଗିବାରୁ ୩ଜଣ ଲୋକଙ୍କ ମୃତ୍ୟୁ ହୋଇଥିଲା ଏବଂ ଜଣେ ବ୍ୟକ୍ତି ଆହତ ହୋଇଥିଲେ। ଏହି ଘଟଣା ସହରର ୧୫୦ ଫୁଟ ରିଙ୍ଗ ରୋଡ୍ ଅଞ୍ଚଳରେ ଘଟିଥିଲା ଏବଂ ବିଲ୍ଡିଂରେ ଫସି ଥିବା ପାଖାପାଖି ୪୦ ନିବାସୀଙ୍କୁ ରକ୍ଷା କରାଯାଇ ପାରି ଥିଲା।
ସେହିପରି, ମାର୍ଚ୍ଚ ୧୩ ତାରିଖ (ଗୁରୁବାର) ଦିଲ୍ଲୀର କନାଣ୍ଟ ପ୍ଲେସରେ ଏକ ରେଷ୍ଟୁରାଣ୍ଟର ରୋଷେଇ ଘରେ ଭୟଙ୍କର ଅଗ୍ନିକାଣ୍ଡ ଘଟିଥିଲା। ନିଆଁ ଲିଭାଇବା ପାଇଁ ଘଟଣାସ୍ଥଳରେ ଛଅଟି ଦମକଳ ଗାଡ଼ି ନିୟୋଜିତ ହୋଇ ଥିଲା। କୁହାଯାଉଛି ଯେ, ଏଲପିଜି ସିଲିଣ୍ଡରରେ ଲିକେଜ୍ ଯୋଗୁଁ ଏହି ଅଗ୍ନିକାଣ୍ଡ ଘଟି ଥିଲା। ଏହି ଦୁର୍ଘଟଣାରେ ୬ଜଣ ପୋଡ଼ି ଯାଇ ଥିଲେ, ସେମାନଙ୍କୁ DFS ୟୁନିଟକୁ ନିଆଯାଇ ଥିଲା।
ସକାଳ ପ୍ରାୟ ୧୧:୫୫ ସମୟରେ ବିକ୍କାଗାନେ ବିରିୟାନି ରେଷ୍ଟୁରାଣ୍ଟରେ ଅଗ୍ନିକାଣ୍ଡ ଘଟିଥିବା ନେଇ ଦିଲ୍ଲୀ ଅଗ୍ନିଶମ ବାହିନୀକୁ ସୂଚନା ମିଳିଥିଲା। ଏହା ପରେ ଘଟଣାସ୍ଥଳକୁ ଛଅଟି ଦମକଳ ଗାଡ଼ି ପଠାଯାଇ ଥିଲା। ତେବେ ଖବର ଲେଖାଯିବା ପର୍ଯ୍ୟନ୍ତ ନିଆଁକୁ ସମ୍ପୂର୍ଣ୍ଣ ନିୟନ୍ତ୍ରଣ କରାଯାଇ ପାରି ନାହିଁ। ଏନେଇ ଜଣେ ଅଧିକାରୀ କହିଛନ୍ତି ଯେ, ରେଷ୍ଟୁରାଣ୍ଟର ରୋଷେଇ ଘରେ ଥିବା ଏକ ଏଲପିଜି ସିଲିଣ୍ଡର ଲିକେଜ୍ ଯୋଗୁଁ ଅଗ୍ନିକାଣ୍ଡ ଘଟିଥିଲା। ଆହତମାନଙ୍କୁ ଚିକିତ୍ସା ପାଇଁ RML ହସ୍ପିଟାଲକୁ ନିଆଯାଇ ଥିଲା।
ରେଷ୍ଟୁରାଣ୍ଟରେ ଅଗ୍ନିକାଣ୍ଡ ପରେ, ଦିଲ୍ଲୀ ଅଗ୍ନିଶମ ସେବା (DFS) ଏହି ଅଞ୍ଚଳର ଦୋକାନ ଗୁଡ଼ିକର ନୋ-ଅବଜେକ୍ସନ ସାର୍ଟିଫିକେଟ୍ (NOC) ଯାଞ୍ଚ କରିବାକୁ ନିଷ୍ପତ୍ତି ନେଇ ଥିଲା।
