ଆନନ୍ଦପୁର, ୦୪/୦୭ : ପୋଖରୀରେ ବୁଡି ୪ ବର୍ଷର ଶିଶୁ କନ୍ୟା ମୃତ। ଘଷିପୁରା ଥାନା ନାରଙ୍ଗପୁର ଗାଁରେ ଏଭଳି ଅଭାବନୀୟ ଘଟଣା ଘଟିଛି। ମୃତକ ହେଲେ ଗାଁର ଅଜୟ କୁମାର ଜେନାଙ୍କ ଝିଅ ସୁଚିତ୍ରା।
ସୂଚନାନୁଯାୟୀ, ନାରଙ୍ଗପୁର ଗାଁର ସୁଚିତ୍ରା ବାଡିପଟେ ଥିବା ପୋଖରୀକୁ ଶୌଚ ହେବାକୁ ଯାଇଥିଲା। ଏହି ସମୟରେ ତାର ଗୋଡ ଖସିଯିବାରୁ ସେ ପୋଖରୀରେ ବୁଡ଼ି ଯାଇଥିଲା। ଗାଁର ଜଣେ ସୁଚିତ୍ରାକୁ ବୁଡ଼ି ଯାଉଥିବା ଦେଖି ଘର ଲୋକଙ୍କୁ ଜଣାଇଥିଲେ। ପରିବାର ଲୋକେ ସଙ୍ଗେସଙ୍ଗେ ସୁଚିତ୍ରାକୁ ଉଦ୍ଧାର କରି ଆନନ୍ଦପୁର ଡାକ୍ତରଖାନାରେ ପହଞ୍ଚିଥିଲେ। ହେଲେ ସେଠାରେ ଶିଶୁକନ୍ୟାକୁ ମୃତ ଘୋଷଣା କରିଛନ୍ତି।