ଭୁବନେଶ୍ୱର, ୦୪/୧୧: ରାଜ୍ୟର ୧୫ ଜିଲ୍ଲାକୁ ପାଣିପାଗ ବିଭାଗ ୟେଲୋ ୱାର୍ଣ୍ଣିଂ ଜାରି କରିଛି । ସନ୍ଧ୍ୟା ୬ଟା ୨୦ ଯାଏ ଏହି ଚେତାବନୀ ଦିଆଯାଇଛି । ୧୫ ଜିଲ୍ଲାରେ ୩ ଘଣ୍ଟା ଧରି ଘଡ଼ଘଡ଼ି ବର୍ଷା ହେବା ନେଇ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ।
Rain/Thundershower likely to affect some parts of districts of ANGUL, KENDRAPARA, JAGATSINGHPUR, KANDHAMAL, MAYURBHANJ, KEONJHAR, DHENKANAL, BOUDH, KALAHANDI, PURI, CUTTACK, KHURDA, RAYAGADA, GAJAPATI & GANJAM (including BHUBANESWAR AND CUTTACK cities)within next 3Hrs pic.twitter.com/4WS6CU6Bef
— Meteorological Centre, Bhubaneswar (@mcbbsr) November 4, 2023
୩ ଘଣ୍ଟା ଧରି ଅନୁଗୁଳ, କେନ୍ଦ୍ରାପଡ଼ା, ଜଗତସିଂହପୁର, କନ୍ଧମାଳ, ମୟୂରଭଞ୍ଜ, କେନ୍ଦୁଝର, ଢେଙ୍କାନାଳ, ବୌଦ୍ଧ, କଳାହାଣ୍ଡି, ପୁରୀ, କଟକ, ଖୋର୍ଦ୍ଧା, ରାୟଗଡ଼ା, ଗଜପତି ଓ ଗଞ୍ଜାମ ଜିଲ୍ଲା ଟ୍ୱିନ୍ ସିଟି ଭୁବନେଶ୍ୱର ଓ କଟକରେ ଘଡ଼ଘଡ଼ି ବର୍ଷା ହେବ । ଟ୍ୱିନ୍ ସିଟିରେ ଝିପିଝିପି ବର୍ଷା ଆରମ୍ଭ ହୋଇଛି । ପାଗ ଓ ବଜ୍ରପାତକୁ ଦେଖି ବାହାରିବାକୁ ଯିବାକୁ ପରାମର୍ଶ ଦେଇଛି ପାଣିପାଗ ବିଭାଗ ।
ପଶ୍ଚିମା-ଝଡ଼ ପ୍ରଭାବରେ ରାଜଧାନୀ ଭୁବନେଶ୍ୱର ଏୟାରପୋର୍ଟ ଅଞ୍ଚଳରେ ଲାଗିରହିଛି ବର୍ଷା pic.twitter.com/YPwZxFlKa2
— Meteorological Centre, Bhubaneswar (@mcbbsr) November 4, 2023
ପାଣିପାଗ ବିଭାଗର ଆକଳନ ଅନୁସାରେ, ୭ ତାରିଖ ଯାଏ ଉପକୂଳ ଓଡ଼ିଶା ସହ ଦକ୍ଷିଣ ଓ ପଶ୍ଚିମ ଓଡ଼ିଶାର କିଛି ଜିଲ୍ଲାରେ ହାଲକାରୁ ମଧ୍ୟମଧରଣର ବର୍ଷା ହେବ । ଆଗାମୀ ୩ ଦିନ ମଧ୍ୟରେ ରାତି ତାପମାତ୍ରାରେ ବିଶେଷ ପରିବର୍ତ୍ତନ ହେବ ନାହିଁ । ୩ ଦିନ ପରେ ରାତି ତାପମାତ୍ରା ୨ରୁ ୪ ଡିଗ୍ରୀ ଯାଏଁ ଖସିପାରେ । ପାରଦ ଖସିବା ଫଳରେ ରାଜ୍ୟରେ ଶୀତ ବଢ଼ିବା ସମ୍ଭାବନା ରହିଛି ।
ପୁଅଙ୍କୁ ଆଗକୁ ଛାଡ଼ିଲେଣି ବିଧାୟକ ରଣେନ୍ଦ୍ର, ବାପାଙ୍କ ବ୍ୟାନର୍ ନେଇ ଗାଁ ବୁଲିଲେ ଆଦିତ୍ୟ
