ନୂଆଦିଲ୍ଲୀ ୩/୦୯: ଭାରତର ମହତ୍ତ୍ୱାକାଂକ୍ଷୀ ସୌର ମିଶନ ଆଦିତ୍ୟ-ଏଲ୍୧ ସୌର କୋରୋନା (ସୂର୍ଯ୍ୟର ବାୟୁମଣ୍ଡଳର ସବୁଠୁ ବାହ୍ୟ ଭାଗ)ର ସୃଷ୍ଟି ଓ ଏହା ତାତିବା ପ୍ରକ୍ରିୟା, ଏହାର ତାପମାତ୍ରା, ସୌର ବିସ୍ଫୋରଣ ଏବଂ ସୌର ଝଡ଼ର କାରଣ ଏବଂ ଉତ୍ପତ୍ତି, କୋରୋନା ଓ କୋରୋନଲ୍ ଲୁପ୍ ପ୍ଲାଜ୍ମାର ସୃଷ୍ଟି, ୱେଗ୍ ଓ ଘନତ୍ୱ, କୋରୋନାର ଚୁମ୍ବକୀୟ କ୍ଷେତ୍ରର ମାପ, କୋରୋନଲ୍ ମାସ୍ ଇଜେକ୍ସନ (ସୂର୍ଯ୍ୟରେ ହେଉଥିବା ଶକ୍ତିଶାଳୀ ବିସ୍ଫୋରଣ ଯାହା ସିଧା ପୃଥିବୀ ଅଭିମୁଖେ ଆସିଥାଏ)ର ଉତ୍ପତ୍ତି, ବିକାଶ ଓ ଗତି, ସୌର ପବନ ଓ ପାଣିପାଗକୁ ପ୍ରଭାବିତ କରୁଥିବା କାରକଗୁଡ଼ିକର ଅଧ୍ୟୟନ କରିବ ।
ଭିଇଏଲ୍ସି: ଆଦିତ୍ୟ ଏଲ୍-୧ ମିଶନ ସୂର୍ଯ୍ୟର ବ୍ୟବସ୍ଥିତ ଅଧ୍ୟୟନ କରିବ ପାଇଁ ୭ ବୈଜ୍ଞାନିକ ପେଲୋଡ୍ର ଏକ ସେଟ୍ ସାଙ୍ଗରେ ନେଇଛି । ଭିଜିବଲ୍ ଏମିସନ୍ ଲାଇନ୍ କୋରୋନାଗ୍ରାଫ୍ (ଭିଇଏଲ୍ସି) ସୂର୍ଯ୍ୟର ବାୟୁମଣ୍ଡଳର ସବୁଠୁ ବାହ୍ୟ ବା ସୌର କୋରୋନା ଏବଂ ସୂର୍ଯ୍ୟରେ ଥିବା ସବୁଠୁ ଶକ୍ତିଶାଳୀ ବିସ୍ଫୋରଣ ବା କୋରୋନଲ୍ ମାସ୍ ଇଜେକ୍ସନର ଗତିଶୀଳତାର ଅଧ୍ୟୟନ କରିବ ।
ଏସ୍ୟୁଆଇଟି: ସୋଲାର୍ ଅଲ୍-ଭାୟୋଲେଟ୍ ଇମେଜିଂ ଟେଲିସ୍କୋପ (ଏସ୍ୟୁଆଇଟି) ନାମକ ପେଲୋଡ୍ ଅଲ୍ଟ୍ରା ଭାୟୋଲେଟ୍ (ୟୁଭି)ର ନିକଟ ସୌର ପ୍ରକାଶମଣ୍ଡଳ ଏବଂ କ୍ରୋମୋସ୍ଫିୟରର ଫଟୋ ଉତ୍ତୋଳନ କରିବ । ଏଥିସହ ଏସ୍ୟୁଆଇଟି ୟୁଭିର ନିକଟ ସୌର ବିକିରଣରେ ହେଉଥିବା ପରିବର୍ତ୍ତନକୁ ପରଖିବ । ଏଏସ୍ପିଇଏକ୍ସ: ଏଏସ୍ପିଇଏକ୍ସ ( ଆଦିତ୍ୟ ସୋଲାର୍ ୱିଣ୍ଡ ପାର୍ଟିକଲ୍ ଏକ୍ସପେରିମେଣ୍ଟ) ଏବଂ ପ୍ଲାଜ୍ମା ଆନାଲାଇଜର୍ ପ୍ୟାକେଜ୍ ଫର୍ ଆଦିତ୍ୟ (ପିଏପିଏ) ପେଲୋଡ୍ ସୌର ପବନ ଏବଂ ଶକ୍ତିଶାଳୀ ଆୟନଗୁଡ଼ିକ ସହ ସେମାନଙ୍କ ଶକ୍ତି ବିତରଣର ଅଧ୍ୟୟନ କରିବ ।
ଏସ୍ଓଏଲ୍ଇଏକ୍ସଏସ୍: ସୋଲାର ଏନର୍ଜି ଏକ୍ସ-ରେ ସ୍ପେକ୍ଟ୍ରୋମିଟର୍ (ଏସ୍ଓଏଲ୍ଇଏକ୍ସଏସ୍) ଏବଂ ଉଚ୍ଚଶକ୍ତି ଏଲ୍-୧ ଅର୍ବିଟିଂ ଏକ୍ସ-ରେ ସ୍ପେକ୍ଟ୍ରୋମିଟର୍ (ଏଚ୍ଇଏଲ୍ ୧ଓଏସ୍) ବିସ୍ତୃତ ଏକ୍ସ-ରେ ଶକ୍ତି ରେଞ୍ଜ୍ରେ ସୂର୍ଯ୍ୟରୁ ଆସୁଥିବା ଏକ୍ସ-ରେ କିରଣର ଅଧ୍ୟୟନ କରିବ । ସେହିଭଳି ମ୍ୟାଗ୍ନୋମିଟର୍ ପେଲୋଡ୍କୁ ଏଲ୍-୧ ବିନ୍ଦୁ ମଧ୍ୟରେ ଚୁମ୍ବକୀୟ କ୍ଷେତ୍ରକୁ ମାପିବା ଲାଗି ବନାଯାଇଛି । ଆଦିତ୍ୟ ଏଲ୍-୧ର ୭ଟି ବୈଜ୍ଞାନିକ ପେଲୋଡ୍ର ବଡ଼ କଥା ହେଉଛି ଏହା ଦେଶରେ ବିଭିନ୍ନ ପ୍ରୟୋଗଶାଳା ଦ୍ୱାରା ସ୍ୱଦେଶୀ ଭାବେ ବିକଶିତ କରାଯାଇଛି । ଏହି ସମସ୍ତ ପେଲୋଡ୍ ଇସ୍ରୋର ବିଭିନ୍ନ କେନ୍ଦ୍ରଗୁଡ଼ିକର ସହଯୋଗ ଦ୍ୱାରା ବିକଶିତ କରାଯାଇଛି ।