ରାୟପୁର: ବହୁ ମାନସ ମନ୍ଥନ ପରେ ଛତିଶଗଡ଼ ଲାଗି ମୁଖ୍ୟମନ୍ତ୍ରୀଙ୍କ ନାଁ ଚୂଡ଼ାନ୍ତ କରିଛି ବିଜେପି । ଛତିଶଗଡ଼ରେ କଂଗ୍ରେସକୁ ପରାସ୍ତ କରି ବିଜେପି ବିଜୟୀ ହୋଇଥିବା ବେଳେ ମୁଖ୍ୟମନ୍ତ୍ରୀ କିଏ ହେବେ ତାକୁ ନେଇ ସସପେନ୍ସ ଲାଗିରହିଥିଲା । ହେଲେ ଆଜି ବସିଥିବା ବିଧାୟକ ଦଳ ବୈଠକରେ ସର୍ବସମ୍ମତି କ୍ରମେ ଆଦିବାସୀ ନେତା ବିଷ୍ଣୁଦେବ ସାଏଙ୍କ ନାଁ ଉପରେ ମୋହର ଲାଗିଛି । ଛତିଗଡ଼ର ପରିବର୍ତ୍ତୀ ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଛନ୍ତି ବିଷ୍ଣୁଦେବ ସାଏ ।
ବିଷ୍ଣୁଦେବ ସାଏ କିଏ ?
୧. ରାଜ୍ୟର ବିଜେପି ଅଧ୍ୟକ୍ଷ ଭାବେ ୨୦୨୦ରୁ ୨୦୨୨ ଭାବେ କାର୍ଯ୍ୟ କରିଛନ୍ତି ବିଷ୍ଣୁଦେବ ସାଏ ।
୨. ଅଜିତ ଯୋଗୀଙ୍କ ପରେ ଛତିଶଗଡ଼ର ଦ୍ବିତୀୟ ଆଦିବାସୀ ନେତା ଭାବେ ବିଷ୍ଣୁଦେବ ସାଏ ମୁଖ୍ୟମନ୍ତ୍ରୀ ହୋଇଛନ୍ତି ।
୩. ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରଥମ କ୍ୟାବିନେଟରେ ଇସ୍ପାତ ରାଷ୍ଟ୍ରମନ୍ତ୍ରୀ ହୋଇଥିଲେ ବିଷ୍ଣୁଦେବ ସାଏ ।
୪. ବିଷ୍ଣୁଦେବ ସାଏ ରାଇଗଡ଼ରୁ ସାଂସଦ ମଧ୍ୟ ଅଛନ୍ତି । ହେଲେ ବିଧାୟକ ହେବା ପରେ ସେ ଏହି ସିଟରୁ ଇସ୍ତଫା ଦେବେ ।
୫. ସେ ନିଜର ରାଜନୈତିକ କ୍ୟାରିୟର ମଧ୍ୟପ୍ରଦେଶରୁ ବିଧାୟକ ଭାବେ ଆରମ୍ଭ କରିଥିଲେ। ହେଲେ ତା ପୂର୍ବରୁ ବଗିଆ ଗାଁର ସରପଞ୍ଚ ହୋଇଥିଲେ ସିଏମ ସାଏ । ମଧ୍ୟପ୍ରଦେଶରୁ ଛତିଶଗଡ଼ ଅଲଗା ହବା ପୂର୍ବରୁ ୧୯୯୦-୯୮ ମଧ୍ୟରେ ସେ ମଧ୍ୟପ୍ରଦେଶ ବିଧାସଭାର ସଦସ୍ୟ ଥିଲେ ।
୬. ୨୦୨୩ ବିଧାନସଭା ନିର୍ବାଚନରେ ବିଷ୍ଣୁଦେବ ସାଏ କୁଙ୍କୁରି ଆସନରେ କଂଗ୍ରେସ ବିଧାୟକ ୟୁଡି ମିଞ୍ଜଙ୍କୁ ହରାଇ ବିଜୟୀ ହୋଇଛନ୍ତି ।
୭. ବିଷ୍ଣୁଦେବ ସାଏ ୧୯୯୯ରୁ ୨୦୧୪ ପର୍ଯ୍ୟନ୍ତ ଲଗାତାର ରାଇଗଡ଼ରୁ ଲୋକସଭା ନିର୍ବାଚନରେ ବିଜୟୀ ହୋଇଛନ୍ତି ।
୮. ୨୦୧୯ରେ ସିଏମ ସାଏଙ୍କୁ ଲୋକସଭା ନିର୍ବାଚନ ଲାଗି ଟିକେଟ ମିଳିନଥିଲା ।
୯. ୨୧ ଫେବୃଆରି ୧୯୬୪ରେ ଛତିଶଗଡ଼ର ଜଶପୁର ଜିଲ୍ଲା ଅନ୍ତର୍ଗତ ବଗିଆ ଗାଁରେ ଜନ୍ମଗ୍ରହଣ କରିଥିଲେ ବିଷ୍ଣୁଦେବ ସାଏ । ସେ ରାଜନୀତିରେ ପ୍ରବେଶ କରିବା ପୂର୍ବରୁ ଜଣେ କୃଷି ବିଶେଷଜ୍ଞ ଭାବେ କାର୍ଯ୍ୟ କରୁଥିଲେ ।
୧୦. ବିଷ୍ଣୁଦେବ ସାଏ ସାହୁ ସଂପ୍ରଦାୟର ବ୍ୟକ୍ତି ।