ଭୁବନେଶ୍ୱର, ୨୭|୧: ନିର୍ଦ୍ଦୟ ହୋଇଗଲେ ବାପା ମା | ନିଜର ଅସୁସ୍ଥ ଶିଶୁକନ୍ୟା କୁ ଛାଡି ଫେରାର ହୋଇଗଲେ | କ୍ୟାପିଟାଲ ହସ୍ପିଟାଲରେ ଏଭଳି ଏକ ଘଟଣା ଘଟିଛି | ନିଜର ୨୨ଦିନର ଶିଶୁକୁ ହସ୍ପିଟାଲରେ ଛାଡି ବାପା ମା କେଉଁଆଡେ ପଳାଇଛନ୍ତି | ଅସୁସ୍ଥ ଶିଶୁକୁ କ୍ୟାପିଟାଲ ହସ୍ପିଟାଲର ସ୍ପେସିଆଲ ନିଉ ବର୍ଣ୍ଣ କେୟାରୟୁନିଟରେ ଭର୍ତ୍ତି କରାଯାଇଛି | ଅନ୍ୟପକ୍ଷେ ହସ୍ପିଟାଲ କର୍ତୃପକ୍ଷ ସେଠାରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି |
ଶିଶୁଟିର ବାପାଙ୍କୁ ମୋବାଇଲ ଯୋଗେ ଯୋଗାଯୋଗ କରାଯାଇଥିଲେ ହେଁ ତାଙ୍କ ମୋବାଇଲ ସ୍ବିଚଅଫ ଆସିଥିବା ଜଣାପଡିଛି | ସେମାନେ ନୟାଗଡ଼ର ବାସିନ୍ଦା ଵୋଲି ତଦନ୍ତରୁ ଜଣାପଡିଛି | ଗତ ପାଞ୍ଚଦିନ ତଳେ ଅସୁସ୍ଥ ଶିଶୁକନ୍ୟାକୁ ଆଣି ସେମାନେ ହସ୍ପିଟାଲ ଆଣିଥିଲେ | ହେଲେ ସେମାନେ କେଉଁ ଉଦ୍ଦେଶ୍ୟରେ ଏଭଳି କଲେ ତାହା ଅସ୍ପଷ୍ଟ ରହିଛି |