ନୂଆଦିଲ୍ଲୀ –ଚନ୍ଦ୍ରର ଦକ୍ଷିଣ ମେରୁରେ ଚନ୍ଦ୍ରଯାନ-୩ର ସଫଳତାପୂର୍ବକ ଲ୍ୟାଣ୍ଡିଂ ପରେ ଭାରତୀୟ ମହାକାଶ ଅନୁସନ୍ଧାନ ସଙ୍ଗଠନ (ଇସ୍ରୋ) ଦେଶର ପ୍ରଥମ ସୌର ମିଶନ – ଆଦିତ୍ୟ-ଏଲ ୧ ପାଇଁ ପୂରା ପ୍ରସ୍ତୁତିରେ। ସୌର ମିଶନର ଲଞ୍ଚିଂ ଶନିବାର ସକାଳ ୧୧.୫୦ରେ ଶ୍ରୀହରୀକୋଟାରୁ କରାଯିବ। ଲଞ୍ଚିଂ ପୂର୍ବରୁ ଲଞ୍ଚ ରିହର୍ସଲ ଓ ସ୍ପେସକ୍ରାଫ୍ଟର ଆଭ୍ୟନ୍ତରୀଣ ଯାଞ୍ଚ ଶେଷ ହୋଇ ସାରିଛି। ଆଦିତ୍ୟ-ଏଲ ୧ ଭାରତର ସୌର ମିଶନ ଏବଂ ଏହାକୁ ପିଏସଏଲଭି-ସି ୫୭ ଦ୍ୱାରା ଲଞ୍ଚ କରାଯିବ। ଏହା ସୂର୍ଯ୍ୟଙ୍କର ବିସ୍ତୃତ ଅଧ୍ୟୟନ କରିବାକୁ ୭ଟି ଭିନ୍ନ ଭିନ୍ନ ପେଲୋଡ ନେଇ ଯିବ ,ଯେଉଁଥିରୁ ୪ ଟି ସୂର୍ଯ୍ୟଙ୍କର ରଶ୍ମୀର ନିରୀକ୍ଷଣ କରିବ ଏବଂ ଅନ୍ୟ ତିନି ପ୍ଲାଜମା ଓ ଚୁମ୍ୱକୀୟ କ୍ଷେତ୍ରର ଇନ୍-ସିଟୁ ମାପଦଣ୍ଡତୁ ମାପିବ।
ଚନ୍ଦ୍ର ବିଜୟ ପରେ.. ଏବେ ସୂର୍ଯ୍ୟ ଅଭିଯାନ, ସେପ୍ଟେମ୍ବରରେ ଆଦିତ୍ୟ-ଏଲ୍୧ର ମିଶନ୍ ପ୍ରକ୍ଷେପଣ
ଇସ୍ରୋ ମୁଖ୍ୟ ଏସ୍ ସୋମନାଥ କହିଛନ୍ତି , ଆଜି ଆଦିତ୍ୟ ଏଲ-୧ର ଓଲଟା ଗଣନା ଆରମ୍ଭ ହୋଇ ଯାଇଛି ଏବଂ ଏହା କାଲି ସକାଳ ୧୧.୫୦ଟାରେ ଲଞ୍ଚ ହେବ। ଆଦିତ୍ୟ ଏଲ ୧ ଉପଗ୍ରହ ଆମର ସୂର୍ଯ୍ୟଙ୍କୁ ଅଧ୍ୟୟନ କରିବ। ଆଦିତ୍ୟ ଏଲ-୧ ପରେ ଚନ୍ଦ୍ରଯାନ-୪ ପାଇଁ ଆମେ ଖୁବ୍ ଶୀଘ୍ର ଘୋଷଣା କରିବୁ। ଆମର ଆଗାମୀ ଲଞ୍ଚ ଗଗନଯାନ ,ଏହା ଅକ୍ଟୋବରର ପ୍ରଥମ ସପ୍ତାହ ଯାଏ ହେବ। ଇସ୍ରୋ ମୁଖ୍ୟ ଏସ ସୋମନାଥ ଆଦିତ୍ୟ-ଏଲ ୧ ମିଶନର ଲଞ୍ଚ ପୂର୍ବରୁ ତିରୁପତି ଜିଲ୍ଲା ଚେଙ୍ଗଲମ୍ମା ପରମେଶ୍ୱରୀ ମନ୍ଦିରରେ ପୂଜା ଅର୍ଚ୍ଚନା କରିଛନ୍ତି।
ଇସ୍ରୋ ରଚିଲା ଇତିହାସ –
୨୩ ଅଗଷ୍ଟରେ ଭାରତ ସ୍ପେସ୍ ରିସର୍ଚ୍ଚ କ୍ଷେତ୍ରରେ ଏକ ବଡ଼ ଲମ୍ଫ ପ୍ରଦାନ କରିଛି , ଯେବେ ଚନ୍ଦ୍ରଯାନ-୩ ଲ୍ୟାଣ୍ଡର ମଡ୍ୟୁଲ ଚନ୍ଦ୍ରର ଦକ୍ଷିଣ ମେରୁରେ ସଫଳତାପୂର୍ବକ ଅବତରଣ କରିଥିଲା। ଏହି ଐତିହାସିକ ଉପଲବ୍ଧି ହାସଲ କରିଥିବା ପ୍ରଥମ ଦେଶ ହୋଇ ପାରିଛି ଭାରତ। ଏହା ବ୍ୟତୀତ ଭାରତ , ଆମେରିକା , ଚୀନ ଓ ରୁଷ୍ ପରେ ଚନ୍ଦ୍ର ପୃଷ୍ଠରେ ସଫଳତାପୂର୍ବକ ଓହ୍ଲାଇବାର ୪ର୍ଥ ଦେଶ ହୋଇ ପାରିଛି।
ମିଶନ ଆଦିତ୍ୟ ଏଲ-୧: ଜାଣନ୍ତୁ ସୂର୍ଯ୍ୟର ଆକାର କେତେ ବଡ଼, କ'ଣ ରହିଛି ତାପମାତ୍ରା