ତାଇପେଇ, ୧୮/୦୯: ତାଇୱାନ୍ ଓ ଚୀନ୍ ମଧ୍ୟରେ ତିକ୍ତତା ବଢ଼ିବାରେ ଲାଗିଛି । ବିଗତ ୨୪ ଘଣ୍ଟାରେ ଡ୍ରାଗନର ୧୦୩ଟି ଯୁଦ୍ଧ ବିମାନ ତାଇୱାନରେ ଅନୁପ୍ରବେଶ ଉଦ୍ୟମ କରିଥିବା କହିଛି ପ୍ରତିରକ୍ଷା ମନ୍ତ୍ରଣାଳୟ । ଏଭଳି କରି ଅଞ୍ଚଳରେ ଚୀନ ଅଶାନ୍ତି ସୃଷ୍ଟି କରୁଥିବା ତାଇୱାନ କହିଛି ।

ସୂଚନା ଅନୁସାରେ, ୧୭ ଓ ୧୮ ସେପ୍ଟେମ୍ବରରେ ତାଇୱାନ ୧୦୩ଟି ଚାଇନିଜ୍ ଯୁଦ୍ଧବିମାନ ଆସିଥିବା କହିଛି । ଯାହାକି ସବୁଠୁ ବଡ଼ ଅତିକ୍ରମଣ । ଏହାଦ୍ୱାରା ତାଇୱାନରେ ତିକ୍ତତା ବୃଦ୍ଧି ପାଇଛି । ଏହା ଛଡ଼ା ଚୀନର ୯ଟି ଯୁଦ୍ଧ ଜାହାଜ ତାଇୱାନ ଅଞ୍ଚଳରେ ଦଖଲ ଦେଇଛି ।

ସଂସଦର ସ୍ୱତନ୍ତ୍ର ଅଧିବେଶନ ଆରମ୍ଭରୁ ବିରୋଧୀଙ୍କ ହଟ୍ଟଗୋଳ, ପିଏମ୍ ମୋଦୀ କହିଲେ ‘ଏହା କାନ୍ଦିବାର ସମୟ ନୁହେଁ’

ଗୋଟିଏ ପଟେ ଆମେରିକା ରାଷ୍ଟ୍ରପତି ବାଇଡେନଙ୍କ ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ସୁଲବିନ, ଚୀନର ବିଦେଶ ମନ୍ତ୍ରୀ ୱାଙ୍ଗ ୟିଙ୍କୁ ଭେଟିଥିବା ବେଳେ ତାଇୱାନ୍ ସହ ଏଭଳି ହରକତ ଆରମ୍ଭ କରିଛି ଡ୍ରାଗନ । ଦୁଇ ଦିନିଆ ଭେଟ ବେଳେ ଚୀନ ବିଦେଶ ମନ୍ତ୍ରୀ ୱାଙ୍ଗ ୟେ ତାଇୱାନ ପ୍ରସଙ୍ଗ ଉଠାଇଥିବା ଜଣାପଡ଼ିଛି ।

ଏହା ପୂର୍ବରୁ ଜାପାନର ପ୍ରତିରକ୍ଷା ମନ୍ତ୍ରଣାଳୟ ମଧ୍ୟ ପୂର୍ବ ତାଇୱାନ ଜଳସୀମାରେ ଚୀନ ଯୁଦ୍ଧ ଜାହାଜ ଥିବା କହିଥିଲା । ଶାନ୍ଦୋଙ୍ଗରେ ଯୁଦ୍ଧ ବିମାନ ଓ ହେଲିକପ୍ଟର ଅବତରଣ ଏବଂ ଉଡ଼ାଣ ଭରିଥିବା ଜଣାପଡ଼ିଛି । ତେବେ ପ୍ରଶାନ୍ତ ମହାସାଗରରେ ଏଭଳି ଗତିବିଧି ନେଇ ଚୀନ କୌଣସି ଅଧିକାରୀକ ପ୍ରତିକ୍ରିୟା ଦେଇ ନାହିଁ । 

ଟେଲି ଅଭିନେତ୍ରୀ ଚେହେରାରେ ନ୍ୟୁଡ୍‌ କଲ୍‌, ୫୫ ଜଣ ମୁଣ୍ଡିଆଳଙ୍କ ସହ ଚାଲିଥିଲା ଚାଟ୍

ସପ୍ତାହକ ତଳେ ଚୀନ ତାଇୱାନକୁ ନିଜ ଅଧିନକୁ ନେବା ନେଇ ଏକ ବ୍ଲୁ ପ୍ରିଣ୍ଟ ଜାରି କରିଥିଲା । ଫୁଜିଆନ୍ ସହ ତାଇୱାନ ପାଇଁ ଜାରି କରିଥିଲା ଏକକୀକରଣ ଯୋଜନା । ମାସକ ତଳେ ପିପୁଲ୍ସ ରିବରେସନ୍ ଆର୍ମିର ଯବାନ ତାଇୱାନ ଉପରେ ଆକ୍ରମଣ ଲାଗି ତାଲିମ୍ ନେଉଥିବା ଚୀନର ସରକାରୀ ମିଡିଆର ଡକ୍ୟୁମେଣ୍ଟାରୀରୁ ଜଣା ପଡ଼ିଥିଲା ।