ଇମ୍ଫାଲ୍, ୦୨/୧୧: ମଙ୍ଗଳବାର ଠାରୁ ମଣିପୁରରେ ପୁଣି ହିଂସା ଓ ଉତ୍ତେଜନା ସୃଷ୍ଟି ପରେ ବୁଧବାର ଇମ୍ଫାଲରେ କର୍ଫ୍ୟୁ ଲାଗିଛି । କର୍ଫ୍ୟୁ କଟକଣା ଭିତରେ ଇମ୍ପାଲରେ ମଣିପୁର ମୁଖ୍ୟମନ୍ତ୍ରୀ ଏନ୍. ବୀରେନ୍ ସିଂହଙ୍କ ବଙ୍ଗଳା ଠାରୁ ଅନତିଦୂରରେ ଥିବା ଥାନା ପୋଡ଼ି ଦେଇଛନ୍ତି ଦୁର୍ବୃତ୍ତ ।
ମଣିପୁର ପୋଲିସର ସୂଚନା ଅନୁସାରେ, ମାରଣାସ୍ତ୍ର ସହ ଏକ ଗୋଷ୍ଠୀ ଆସିଥିଲେ । ମଣିପୁର ମୁଖ୍ୟମନ୍ତ୍ରୀଙ୍କ ବଙ୍ଗଳା ନିକଟରେ ଥିବା ପ୍ରଥମ ମଣିପୁର ରାଇଫଲ୍ସ କମ୍ପ୍ଲେକ୍ସରେ ନିଆଁ ଲଗାଇ ଦେଇଥିଲେ । ଏହା ପଶ୍ଚିମ ଇମ୍ଫାଲ୍ ଜିଲ୍ଲାରେ ଥିବା ବେଳେ ନିକଟରେ ରାଜଭବନ ସହ ମୁଖ୍ୟମନ୍ତ୍ରୀଙ୍କ ବାସଭବନ ରହିଛି ।
ଇମ୍ଫାଲରେ ପୁଣି ସ୍ଥିତି ଅଣାୟତ୍ତ, କର୍ଫ୍ୟୁ ଲଗାଇଲା ପ୍ରଶାସନ
ଜବାବୀ କାର୍ଯ୍ୟାନୁଷ୍ଠାନରେ ଦଙ୍ଗାକାରୀଙ୍କ ଭୟଭୀତ କରିବାକୁ ପୋଲିସ ଆକାଶକୁ ଏକାଧିକ ରାଉଣ୍ଡ ଗୁଳି ଚାଳନା କରିଛି । ମଙ୍ଗଳବାର ଉତ୍ତ୍ୟକ୍ତ ଲୋକ ଜଣେ ବରିଷ୍ଠ ପୋଲିସ ଅଧିକାରୀଙ୍କୁ ଗୁଳି କରି ହତ୍ୟା କରିଥିଲେ । ମୋରେହରେ ହେଲିପ୍ୟାଡ୍ ଲାଗି ସ୍ଥାନ ନିରୀକ୍ଷଣ ବେଳେ ଏହି ହତ୍ୟାକାଣ୍ଡ ଘଟିଥିଲା ।
ଏହା ପରେ ପୋଲିସ ଓ ଉତ୍ୟକ୍ତ ଲୋକ ମୁହାଁମୁହିଁ ହୋଇଥିଲେ । ମଙ୍ଗଳବାରର ଗୁଳି ବିନିମୟ ଓ ଉତ୍ତେଜନା ପରେ ବୁଧବାର ଇମ୍ଫାଲରେ ପୁଣି କର୍ଫ୍ୟୁ ଲାଗୁ ହୋଇଛି । ମଙ୍ଗଳବାର ଗୁଳିମାଡ଼ରେ ମୋରେହ ଏସଡିପିଓ ଚିଙ୍ଗଥାମ୍ ଆନନ୍ଦ କୁମାର ଗୁରୁତର ଆହତ ହୋଇଥିଲେ । ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।
ଏଥର ରାଜ୍ୟରେ କମ୍ ଥଣ୍ଡା, ଶୀତଦିନିଆ ଫସଲ ନଷ୍ଟ ହେବା ଆଶଙ୍କା: ୬ ଯାଏଁ ବର୍ଷା ସମ୍ଭାବନା
ମେ ୩ରୁ ମଣିପୁରରେ ସଂରକ୍ଷଣକୁ ନେଇ ମୈତେଇ ଓ କୁକି ସମ୍ପ୍ରଦାୟ ମଧ୍ୟରେ ଉତ୍ତେଜନା ଲାଗି ରହିଛି । ହିଂସାରେ ଏବେ ସୁଦ୍ଧା ୧୮୦ ଜଣଙ୍କ ମୃତ୍ୟୁ ହୋଇଛି । ମୈତେଇ ସମ୍ପଦ୍ରାୟ ସେମାନଙ୍କୁ ଆଦିବାସୀ ମାନ୍ୟତା ଦାବି କରି ଆସୁଛନ୍ତି ।
