ଇମ୍ଫାଲ୍, ୦୧/୧୧: ମଣିପୁରର ରାଜଧାନୀ ଇମ୍ପାଲରେ ପୁଣି ଉତ୍ତେଜନା ସୃଷ୍ଟି ହୋଇଛି । ବୁଧବାର ସନ୍ଧ୍ୟାରେ ଇମ୍ଫାଲରେ ଗୁଳିମାଡ଼ ହୋଇଥିବା ବେଳେ ପ୍ରଶାସନ ପୁଣି ଥରେ କର୍ଫ୍ୟୁ ଲଗାଇଛି । ସାରା ସହରକୁ ସୁରକ୍ଷା କର୍ମୀ ଘେରି ରହିଥିବା ବେଳେ ଜାରି ରହିଛି ସର୍ଚ୍ଚ ଅପରେସନ୍ ।
Manipur | Due to the developing law and order situation in the district (curfew) relaxation orders cancelled with immediate effect. However, movement of persons belonging to essential services such as Health, PHED, Municipal Officials/Staff, Power, petrol pumps, functioning of… pic.twitter.com/ycpR4jobdo
— ANI (@ANI) November 1, 2023
ଏହା ପୂର୍ବରୁ ମଣିପୁର ପୋଲିସ ଆଜି ଜଣଙ୍କୁ ହେପାଜତକୁ ନେଇଥିଲା । ରିପୋର୍ଟ ଅନୁସାରେ, ଗିରଫ ୪୪ଙ୍କ ମଧ୍ୟରେ ୩୨ ଜଣ ମିଆଁମାରର ନାଗରିକ ରହିଥିଲେ । ଏମାନେ ଦିନକ ତଳେ ମୋରେହ ଅଞ୍ଚଳରେ ପୋଲିସ ଅଧିକାରୀଙ୍କୁ ହତ୍ୟା ଓ ପୋଲିସ ପାଟ୍ରୋଲିଂ ଟିମ୍ ଉପରେ ଆକ୍ରମଣ କରିଥିବା ଅଭିଯୋଗ ରହିଛି ।
ପ୍ରଥମେ ୧୯୯୭ରେ ତେଜିଥିଲା ମରାଠା ସଂରକ୍ଷଣ ଦାବି, ପୁଣି ଏବେ ଜଳୁଛି ମହାରାଷ୍ଟ୍ର
ମଙ୍ଗଳବାର ମଣିପୁରରେ ୨ଟି ଗୁଳିମାଡ଼ ହୋଇଥିଲା । ପ୍ରଥମ ମାମଲା ମୋରେହ ଅଞ୍ଚଳରେ ହୋଇଥିବା ବେଳେ ପୋଲିସ ଅଧିକାରୀ ଚିଙ୍ଗଥାମ ଆନନ୍ଦ କୁମାରଙ୍କ ଜୀବନ ଯାଇଥିଲା । ଏହା ପରେ ପୋଲିସ ଉପରେ ବି ଆକ୍ରମଣ ହୋଇଥିଲା । ଆକ୍ରମଣରେ ଅନ୍ୟ ୩ ଜଣ ପୋଲିସ ଆହତ ହୋଇଥିଲେ ।
ଏହି ୨ ଘଟଣା ପରେ ଅଞ୍ଚଳରେ ସର୍ଚ୍ଚ ଅପରେସନ୍ ଆରମ୍ଭ ସହ ପଚରାଉଚରା ପାଇଁ ସନ୍ଦିଗ୍ଧଙ୍କୁ ପୋଲିସ ଗିରଫ କରି ନେଇଥିଲା । ମଣିପୁରରେ ସଂରକ୍ଷଣକୁ ନେଇ ମେ ୩ରେ କୁକି ଓ ମୈତେଇ ସମ୍ପ୍ରଦାୟ ମଧ୍ୟରେ ହିଂସା ଆରମ୍ଭ ହୋଇଥିଲା । ଉକ୍ତ ହିଂସାରେ ଏବେ ସୁଦ୍ଧା ୧୮୦ ଜଣଙ୍କ ମୃତ୍ୟୁ ହୋଇଥିବା ବେଳେ ୧୧୦୦ରୁ ଅଧିକ ଆହତ ହୋଇଛନ୍ତି ।
