ନୂଆଦିଲ୍ଲୀ, ୨୭/୦୯: ଦେଶରେ ଅନେକ ମାମଲା କୋର୍ଟରେ ବର୍ଷ ବର୍ଷ ଧରି ଗଡ଼ୁଛି । କିଛି ମାମଲାର ରାୟ ପ୍ରକାଶ ବେଳକୁ ଅଭିଯୁକ୍ତର ମୃତ୍ୟୁ ହେଇ ଯାଉଥିବା ବେଳେ ଆଉ କେଉଁଠି ପୀଡ଼ିତ ବି ଆଖି ବୁଜି ଦେଉଛି । ଆଉ କୌଣସି ମାମଲାରେ କାହାକୁ କୋର୍ଟରେ ବେଲ୍ ମିଳିବା ପରେ ପ୍ରାୟ ୨୪ ଘଣ୍ଟାରେ ଜେଲରୁ ବାହାରିଥାନ୍ତି । କିନ୍ତୁ ଗୁଜରାଟରେ ଜଣେ ବ୍ୟକ୍ତି ବେଲ୍ ପାଇବାର ୩ ବର୍ଷ ପରେ ଜେଲରୁ ମୁକୁଳିଛନ୍ତି ।

ଯେଉଁଥିପାଇଁ ଗୁଜରାଟ ହାଇକୋର୍ଟ ଉକ୍ତ ବ୍ୟକ୍ତିଙ୍କୁ ୧ ଲକ୍ଷ ଟଙ୍କା ଅର୍ଥ ରାଶି ଦେବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି । ବାର୍ ଆଣ୍ଡ ବେଞ୍ଚର ରିପୋର୍ଟ ଅନୁସାରେ, ବ୍ୟକ୍ତି ଜଣଙ୍କୁ ବେଲ୍ ମିଳିବା ପରେ ସେ ଆହୁରି ୩ ବର୍ଷ ଅଧିକ ସମୟ ଧରି ଜେଲରେ ରହିଥିଲେ । ଆଉ ଯାହାର କାରଣ ଥିଲା ବେଲ୍ ଇମେଲ୍ ନ ଖୋଲିବା ।

ଦାଢ଼ି କାଟୁଥିବା ବେଳେ ନେତାଙ୍କୁ ଗୁଳି କରି ହତ୍ୟା କଲେ ଦୁର୍ବୃତ୍ତ; ବଜାର ବନ୍ଦ, ହାଇଓ୍ବେ ଅବରୋଧ କଲେ ସମର୍ଥକ

ଗୁଜରାଟ ହାଇକୋର୍ଟରେ ଜେଲ୍ କର୍ତ୍ତୃପକ୍ଷ ରଖିଥିବା ପକ୍ଷ ଅନୁସାରେ, ବେଲ୍ ଅର୍ଡର ଇମେଲରେ ଥିବା ଆଟାଚମେଣ୍ଟଟି ଖୋଲି ନଥିଲା । ୨୦୨୦ରେ ବେଲ୍ ସମ୍ପର୍କି ମେଲଟି ପଠାଇଥିଲେ ହାଇକୋର୍ଟର ରେଜିଷ୍ଟ୍ରାର । ତଥାପି ଆଟାଚମେଣ୍ଟ ଖୋଲିବା ଓ ବେଲରେ ବାହାରିବା ପାଇଁ ୩ ବର୍ଷ ସମୟ ଲାଗିଗଲା ।

୨୭ ବର୍ଷୀୟ ବ୍ୟକ୍ତି ଜଣଙ୍କ ଏକ ହତ୍ୟା ମାମଲାରେ ଗିରଫ ହୋଇଥିଲେ । ଶୁଣାଣି ବେଳେ କୋର୍ଟ ଦଣ୍ଡାଦେଶକୁ ସ୍ଥଗିତ ରଖି ବେଲ୍ ପ୍ରଦାନ କରିଥିଲେ । କିନ୍ତୁ ବେଲ୍ ମିଳିବା ପରେ ବି ଜେଲ୍ କର୍ତ୍ତୃପକ୍ଷ ପଦକ୍ଷେପ ନ ନେବାରୁ ବ୍ୟକ୍ତି ଜଣଙ୍କ ଅଧିକ ୩ ବର୍ଷ ଜେଲରେ ରହିଥିଲେ । 

ମଣିପୁର ପୁଣି ଅଶାନ୍ତ: ସମ୍ପୂର୍ଣ୍ଣ ରାଜ୍ୟକୁ ଅଶାନ୍ତ ଅଞ୍ଚଳ ଘୋଷଣା, ଇଣ୍ଟରନେଟ୍ ବନ୍ଦ

ଯାହାକୁ ନେଇ ହାଇକୋର୍ଟ କହିଛନ୍ତି, ଆବେଦନକାରୀଙ୍କୁ ଜେଲରୁ ମୁକ୍ତ କରାଯାଇଥିଲେ ସେ ସ୍ୱାଧୀନତା ଉପଭୋଗ କରି ପାରିଥାନ୍ତେ । ଜେଲ୍ କର୍ତ୍ତୃପକ୍ଷ ଧ୍ୟାନ ନ ଦେବାରୁ ତାଙ୍କୁ ଅଧିକ ସମୟ ଜେଲରେ ରହିବାକୁ ପଡ଼ିଲା । ସେତେବେଳେ ଚାହିଁଥିଲେ ଜେଲ୍ କର୍ତ୍ତୃପକ୍ଷ, ରେଜିଷ୍ଟ୍ରିଙ୍କୁ ଯୋଗାଯୋଗ କରି ପାରିଥାନ୍ତେ ବୋଲି କୋର୍ଟ କହିଛନ୍ତି ।