ନୂଆଦିଲ୍ଲୀ, ୦୪/୧୧: ଶିଳ୍ପପତି ମୁକେଶ ଅମ୍ବାନୀଙ୍କୁ ହତ୍ୟା ଧମକ ମାମଲାରେ ପୋଲିସ ଜଣେ ୧୯ ବର୍ଷୀୟ ଛାତ୍ରଙ୍କୁ ଗିରଫ କରିଛି । ଧମକପୂର୍ଣ୍ଣ ଇମେଲ୍ ପଠାଇବା ମାମଲାରେ ମୁମ୍ବାଇ ପୋଲିସ ତେଲଙ୍ଗାନାରୁ ଜଣେ ଯୁବକଙ୍କୁ ଗିରଫ କରିବାରେ ସକ୍ଷମ ହୋଇଛି । ଅଭିଯୁକ୍ତ ଯୁବକ ଜଣଙ୍କ ହେଉଛନ୍ତି ଗଣେଶ ରମେଶ । ସେ ପରିଚୟ ଲୁଚାଇ ଭନ୍ନ ନାଁରେ ଧମକପୂର୍ଣ୍ଣ ଇମେଲ୍ ପଠାଇଥିଲେ ।
ଅଭିଯୋଗ ଅନୁସାରେ, ଶାଦବ ଖାନ ନାଁରେ ଗଣେଶ ଇମେଲ୍ ପଠାଇଥିଲା । ପ୍ରଥମ ଇମେଲରେ ସେ ୨୦ କୋଟି ଟଙ୍କା ଦାବି କରିଥିଲା । ପରେ ମାଗିଥିଲା ୪୦୦ କୋଟି ଟଙ୍କା । ଏଭଳି ଶହ ଶହ କୋଟି ଦାବି କରି ୫ରୁ ୬ଟି ଇମେଲ୍ ପଠାଇଥିଲା । ଏଥିପାଇଁ ଅଭିଯୁକ୍ତ ଭିପିଏନର ବ୍ୟବହାର ମଧ୍ୟ କରିଥିଲା ।
୧୫ ଜିଲ୍ଲାକୁ ୟେଲୋ ୱାର୍ଣ୍ଣିଂ, ସନ୍ଧ୍ୟା ୬ଟା ୨୦ ଯାଏ ଘଡ଼ଘଡ଼ି ବର୍ଷା ପାଇଁ ସତର୍କତା
ଏସିଆର ସବୁଠୁ ଧନୀ ବ୍ୟକ୍ତି ମୁକେଶ ଅମ୍ବାନୀଙ୍କ ଅଫିସିଆଲ୍ ଇମେଲ୍ ଆଇଡିକୁ ଅକ୍ଟୋବର ୨୭ ତାରିଖରେ ଆସିଥିଲା ପ୍ରଥମ ଧମକପୂର୍ଣ୍ଣ ଇମେଲ୍ । ଧମକ ଦେଇଥିବା ଯୁବକ ଲେଖିଥିଲେ, ୨୦ କୋଟି ନଦେଲେ ମୁକେଶ ଅମ୍ବାନୀଙ୍କୁ ହତ୍ୟା କରିବି । ତା ପରଦିନ ଅକ୍ଟୋବର ୨୮ରେ ଆଉ ଏକ ଧମକପୂର୍ଣ୍ଣ ଇମେଲ୍ ଆସିଥିଲା । ଆଉ ଉକ୍ତ ଇମେଲରେ ଯୁବକ ସିଧା ୨୦୦ କୋଟି ମାଗିଥିଲେ ।
ଦ୍ୱିତୀୟ ମେଲର ତିନିଦିନ ପରେ ଅକ୍ଟୋବର ୩୦ରେ ଯୁବକ ତୃତୀୟ ମେଲ୍ ପଠାଇବା ସହ ୪୦୦ କୋଟି ଟଙ୍କା ମାଗିଥିଲେ । ଲଗାତାର ଏଭଳି ଧମକପୂର୍ଣ୍ଣ ଇମେଲ୍ ଆସିବା ବଢ଼ିବା ସହ ପୋଲିସର ଚିନ୍ତା ବଢ଼ିଥିଲା । ତେବେ ଏହା ପ୍ରଥମ ମାମଲା ନୁହେଁ ଯେଉଁଠି କୌଣସି ଶିଳ୍ପପତିଙ୍କୁ ହତ୍ୟା ଧମକ ଦେଇ ଦୁର୍ବୃତ୍ତ ଟଙ୍କା ମାଗିଛନ୍ତି ।
ଲେଡିଜ୍ ହଷ୍ଟେଲ୍ରେ ଚାଞ୍ଚଲ୍ୟକର ଘଟଣା : ରାତିରେ ଶୋଇଥିବା ବେଳେ ଛାତ୍ରୀଙ୍କ ତଣ୍ଟି କାଟି ଦେଲେ
ଏକାଧିକ ଧମକପୂର୍ଣ୍ଣ ଇମେଲ୍ ଓ ବାରମ୍ବାର ଅଧିକ ଟଙ୍କା ମାଗିବା ପରେ ମୁମ୍ବାଇ ପୋଲିସ ତଦନ୍ତକୁ ବଢ଼ାଇଥିଲା । ତଦନ୍ତରୁ ଜଣାପଡ଼ିଥିଲା ଇମେଲ୍ ପଠାଇଥିବା ବ୍ୟକ୍ତି ଜଣଙ୍କ ଶାଦବ ଖାନ ଏବଂ ଇମେଲ୍ ୟୁରୋପର ବେଲଜିୟମରୁ ପଠାଯାଇଛି । ଶନିବାର ପୋଲିସ ଏସବୁ ଉପରୁ ପରଦା ଉଠାଇବା ସହ ତେଲଙ୍ଗାନାରୁ ୧୯ ବର୍ଷୀୟ ଯୁବକଙ୍କୁ ଗିରଫ କରିବାରେ ସକ୍ଷମ ହୋଇଛି ।
ଅନ୍ୟପଟେ ଏହି ମାମଲାରେ ମୁମ୍ବାଇ କ୍ରାଇମବ୍ରାଞ୍ଚ ଗୁଜରାଟରୁ ଅନ୍ୟ ଜଣଙ୍କୁ ଗିରଫ କରିଥିବା ଜଣାପଡ଼ିଛି । ଗୁଜରାଟର ଗାନ୍ଧୀନଗରରୁ କ୍ରାଇମବ୍ରାଞ୍ଚ ଜଣଙ୍କୁ ଗିରଫ କରିଛି । ମୁକେଶ ଅମ୍ବାନୀଙ୍କୁ ଧମକପୂର୍ଣ୍ଣ ଇମେଲ୍ ମାମଲାରେ ଏବେ ସୁଦ୍ଧା ୨ ଜଣ ଗିରଫ ହୋଇଛନ୍ତି ।
