ଭୋପାଳ, ୦୩/୧୨: ନଭେମ୍ବର ୧୭ରେ ମଧ୍ୟପ୍ରଦେଶରେ ଗୋଟିଏ ପର୍ଯ୍ୟାୟରେ ମତଦାନ ହୋଇଥିଲା । ଆଜି ନିର୍ବାଚଳ ଫଳ ଆସିବ, ଗଣତି ଜାରି ରହିଛି । ୨୩୦ ଆସନ ବିଶିଷ୍ଟ ମଧ୍ୟପ୍ରଦେଶରେ ବହୁମତ ହେଉଛି ୧୧୬ । ପ୍ରାରମ୍ଭିକ ଟ୍ରେଣ୍ଡିରଂ ମଧ୍ୟପ୍ରଦେଶରେ ବିଜେପି ଭଲ ପ୍ରଦର୍ଶନ କରୁଛି ।
ନିର୍ବାଚନ କମିଶନଙ୍କ ୱେବସାଇଟ୍ ତଥ୍ୟ ଆସନରେ ଦିନ ୧୦ଟା ୧୫ ସୁଦ୍ଧା ବିଜେପି ୧୩୩ ଆସନରେ ଆଗୁଆ ରହିଛି । କଂଗ୍ରେସ ୫୨ଟି ଆସନରେ ଆଗୁଆ ରହିଥିବା ବେଳେ ଗୋବର୍ଦ୍ଧନ ଗଣତନ୍ତ୍ର ପାର୍ଟି ୩ଟି ଆସନରେ ଆଗୁଆ ଚାଲିଛି ।
ଗଣତି ଆରମ୍ଭରୁ ବିଜେପି ଆଗୁଆ ରହିଛି । ଯାହାକୁ ନେଇ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ କହିଛନ୍ତି, ଭାରତ ମାତାର ଜୟ, ଜନତା ଜନାର୍ଦ୍ଦନଙ୍କ ଜୟ । ମୋର ବିଶ୍ୱାସ ରହିଛି ଜନତାଙ୍କ ଆଶୀର୍ବାଦରେ ପୁଣି ଥରେ ବିଜେପି ମଧ୍ୟପ୍ରଦେଶରେ ସରକାର ଗଢ଼ିବ । ବିଜେପିର ସମସ୍ତ ପ୍ରାର୍ଥୀଙ୍କ ଶୁଭ କାମନା ।
ସମୟ ବଢ଼ିବା ସହ ମଧ୍ୟପ୍ରଦେଶ ନିର୍ବାଚନ ଫଳାଫଳରେ ବିଜେପି ଆଗକୁ ବଢ଼ୁଛି । ଏହାରି ଭିତରେ ମୁଖ୍ୟମନ୍ତ୍ରୀ ଶିବରାଜ ସିଂହଙ୍କୁ ଭେଟିଛନ୍ତି କେନ୍ଦ୍ରମନ୍ତ୍ରୀ ଜ୍ୟୋତିରାରାଦିତ୍ୟ ସିନ୍ଧିଆ । ସେ କହିଛନ୍ତି, ଲୋକଙ୍କ ଆଶୀର୍ବାଦ ଆମ ସହ ରହିଛି । ଆମେ ପୂର୍ଣ୍ଣ ବହୁମତ ସହ ସରକାର ଗଢ଼ିବୁ ।
