ତେଲ ଅଭିଭ୍ : ଇସ୍ରାଏଲ ଓ ହମାସ ମଧ୍ୟରେ ଯୁଦ୍ଧ ଆରମ୍ଭ ହେବାର ଏକ ମାସ ହେବାକୁ ଯାଉଛି। ହମାସ ଅତଙ୍କୀମାନେ ୭ ଅକ୍ଟୋବରରେ ଯେଉଁ ଭୟଙ୍କର କାରନାମା କରିଛନ୍ତି , ଏହାର ପରିଣାମ ଗାଜା ପଟ୍ଟିରେ ରହୁଥିବା ଅନେକ ସାଧାରଣ ଲୋକ ମଧ୍ୟ ଭୋଗୁଛନ୍ତି। ଇସ୍ରାଏଲୀୟ ସେନାର ପାଲଟା ଆକ୍ରମଣରେ ଏବେସୁଦ୍ଧା ୮ ହଜାରରୁ ଅଧିକ ମୃତ୍ୟୁ ହୋଇ ସାରିଛି। ଏହି ଯୁଦ୍ଧରେ ଇସ୍ରାଏଲ , ଫିଲିସ୍ତିନ ବ୍ୟତୀତ ଅନେକ ଦେଶଙ୍କର ଏଣ୍ଟ୍ରି ହୋଇଛି। ଆମେରିକା ସମେତ ଅଧିକାଂଶ ପଶ୍ଚିମୀ ଦେଶ ଇସ୍ରାଏଲ ସହ ରହିଥିବା ବେଳେ ଇରାନ ଭଳି ମୁସଲିମ୍ ଦେଶ ଇସ୍ରାଏଲୀୟ ହମଲାର ନିନ୍ଦା କରିଛି।
ଇସ୍ରାଏଲର ଏୟାର ଷ୍ଟ୍ରାଇକରେ ଗୋଟିଏ ପରିବାରର ୪୨ ମୃତ, ଆମେରିକାରେ ରହୁଥିବା ସଂପର୍କୀୟଙ୍କ ଚାଞ୍ଚଲ୍ୟକର ଦାବି
ସେପଟେ କୌଣସି ବି ଜରୁରିକାଳୀନ ସ୍ଥିତିରୁ ବର୍ତ୍ତିବା ପାଇଁ ଆମେରିକା ମଧ୍ୟ ସଂପୂର୍ଣ୍ଣ ପ୍ରସ୍ତୁତ ରହିଛି। ସେ ଇସ୍ରାଏଲରେ ନିଜର ଏକ ମିଲିଟାରୀ ବେସ୍ ମଧ୍ୟ ପ୍ରସ୍ତୁତ କରି ସାରିଛି, ହେଲେ ମୁଖ୍ୟତଃ ଏହି ମିଲିଟାରୀ ବେସ୍ ଇରାନର ମିସାଇଲ୍ ଗୁଡ଼ିକରୁ ବର୍ତ୍ତିବା ପାଇଁ ଗଠନ ହୋଇଛି , କିନ୍ତୁ ହମାସ ଯୁଦ୍ଧରେ ମଧ୍ୟ ଏହା କାମରେ ଆସିପାରେ। ଏହି ବେସ୍ରୁ ହମାସ ଓ ଇରାନ, ଉଭୟଙ୍କ ଉପରେ ଆକ୍ରମଣ କରାଯାଇ ପାରିବ।
ଇସ୍ରାଏଲ ଉପରେ ହମାସର ଆକ୍ରମଣ କରିବାର ଦୁଇ ମାସ ପୂର୍ବରୁ , ପେଣ୍ଟାଗନ ଗାଜା ଠାରୁ କେବଳ ୨୦ ମାଇଲ ଦୂରତାରେ ଇସ୍ରାଏଲର ନେଗେଭ ରେଗିସ୍ତାନ ଭିତରେ ଏକ ଗୁପ୍ତ ଆଡ୍ଡା ପାଇଁ, ଆମେରିକୀୟ ସେନାର ସୁବିଧା ନେଇ ଅନେକ ମିଲିୟନ ଡଲାରର ଅନୁବନ୍ଧିତ କରିଥିଲା । କୋଡ-ନାମ ‘ସାଇଟ୍ ୫୧୨’, ଦୀର୍ଘ ଦିନରୁ ଚାଲୁଥିବା ଆମେରିକୀୟ ବେସ୍ ରେ ଏକ ରାଡାର ସୁବିଧା ରହିଛି , ଯାହାକି ଇସ୍ରାଏଲ ଉପରେ ମିସାଇଲ ହମଲା ହେଲେ ସହଜରେ ନିରୀକ୍ଷଣ କରିଥାଏ। ଆମେରିକୀୟ ସେନା ଚୁପଚାପ ସାଇଟ୍ ୫୧୨ ରେ ନିର୍ମାଣ ସହ ଆଗକୁ ବଢ଼ୁଛି , ଯାହା ନେଗେଭରେ ମାଉଣ୍ଟ ହର କ୍ୟୁରେନ ଉପରେ ଥିବା ଏକ ବର୍ଗୀକୃତ ଆଧାର ।
