ନୂଆଦିଲ୍ଲୀ, ୧୦/୦୯: ଦିଲ୍ଲୀରେ ଜି୨୦ ସମ୍ମିଳନୀ ଚାଲିଥିବା ବେଳେ ପ୍ରଗତି ମୈଦାନ ସହ ଏକାଧିକ ଅଞ୍ଚଳରେ ପ୍ରବଳ ବର୍ଷା ହୋଇଛି । ପାଣିପାଗ ବିଭାଗର ଆକଳନ ଅନୁସାରେ, ଆଗାମୀ ୨୪ ଘଣ୍ଟାରେ ଦିଲ୍ଲୀ-ଏନସିଆରରେ ହାଲୁକାରୁ ମଧ୍ୟମ ଧରଣର ଘଡ଼ଘଡ଼ି ବର୍ଷା ହେବ । ଗତ ୨୪ ଘଣ୍ଟାରେ ଦିଲ୍ଲୀର ସର୍ବାଧିକ ତାପମାତ୍ରା ୩୨ ଡିଗ୍ରୀ ରହିଥିବା ବେଳେ ସର୍ବନିମ୍ନ ତାପମାତ୍ରା ୨୪ ଡିଗ୍ରୀ ଥିଲା ।
ଜି୨୦ ଶିଖର ସମ୍ମିଳନୀ ଆୟୋଜିତ ହୋଇଥିବା ଭାରତ ମଣ୍ଡପମରେ ବି ପ୍ରବଳ ବର୍ଷା ହୋଇଛି । ରାଷ୍ଟ୍ରୀୟ ରାଜଧାନୀ ଦିଲ୍ଲୀର ଅନେକ ଅଞ୍ଚଳ ପ୍ରବଳ ବର୍ଷା ପାଣିରେ ଭରି ଯାଇଛି । ଏବେ ବର୍ଷା ଜଳ ନିଷ୍କାସନ ପ୍ରଶାସନ ପାଇଁ ଚ୍ୟାଲେଞ୍ଜ ପାଲଟିଛି ।
ଆସନ୍ତା ୧୩ରେ ଲଘୁଚାପ ରୂପ ନେବ ଘୂର୍ଣ୍ଣିବଳୟ, ୧୨ରୁ ଛେଚିବ ବର୍ଷା: ବର୍ଷା ସତ୍ତ୍ୱେ ନିଅଣ୍ଟିଆ ଭରଣା ହେଲାନି
ଦିଲ୍ଲୀର ସଫଦରଜଙ୍ଗ, ୟେରୋସିଟି, ରାଜଘାଟ, ବସନ୍ତ କୁଞ୍ଜ, ମୁର୍ଣ୍ଣିକା, ନରେଲା ଏବଂ ଅନ୍ୟ ଅଞ୍ଚଳରେ ରାତିରୁ ଆରମ୍ଭ ହୋଇଥିବା ବର୍ଷା ରବିବାର ସକାଳ ଯାଏ ଲାଗି ରହିଛି । ଆଜି ଦିଲ୍ଲୀ ଆକାଶକୁ ବାଦଲ ଢାଙ୍କିବା ସହ ହାଲୁକା ବର୍ଷା ହେବ ।
ପାଣିପାଗ ବିଭାଗ ଅନୁସାରେ, ଆଗାମୀ ୪ରୁ ୫ ଦିନ ଯାଏ ଉତ୍ତରପ୍ରଦେଶ, ଛତିଶଗଡ଼, କର୍ଣ୍ଣାଟକ, ଝାଡ଼ଖଣ୍ଡ ସମେତ ଅନ୍ୟ ରାଜ୍ୟରେ ବର୍ଷା ହେବାର ସମ୍ଭାବନା ରହିଛି । ବିଗତ ୨୪ ଘଣ୍ଟାରେ ମହାରାଷ୍ଟ୍ର, ମଧ୍ୟପ୍ରଦେଶ, ତାମିଲନାଡ଼ୁର ଭିନ୍ନ ଭିନ୍ନ ଅଞ୍ଚଳରେ ବର୍ଷା ହୋଇଥିଲା ।
G20 ଶିଖର ସମ୍ମିଳନୀର ଘୋଷଣାପତ୍ରକୁ ନେଇ ପ୍ରଶ୍ନ ଉଠାଇଲା ୟୁକ୍ରେନ୍, କହିଲା ‘ଗର୍ବ କରିବାର କିଛି ନାହିଁ’