ଅହମଦାବାଦ, ୦୪/୧୧: ଇଂଲଣ୍ଡ ବିପକ୍ଷ ମ୍ୟାଚରେ ଅଷ୍ଟ୍ରେଲିଆର ବ୍ୟାଟିଂ ବେଳେ କ୍ରିଜରେ ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳିଛି । ଶଟ୍ ମାରୁ ମାରୁ କ୍ୟାମରନ୍ ଗ୍ରୀନଙ୍କ ହାତରୁ ବ୍ୟାଟ୍ ଖସି ଯାଇଥିଲା । ତେବେ ଇଂଲଣ୍ଡ ଖେଳାଳି ଉକ୍ତ ସମୟରେ କ୍ୟାଚକୁ ମିସ୍ କରିଥିଲେ । ତେବେ ଏଥିରେ କେହି ଆହତ ହୋଇ ନାହାନ୍ତି ।
ପ୍ରଥମେ ଟସ୍ ଜିତିଥିବା ଇଂଲଣ୍ଡ, ଅଷ୍ଟ୍ରେଲିଆକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା । ସମସ୍ତ ୱିକେଟ ହରାଇ କଙ୍ଗାରୁ ଟିମ୍ ୪୯.୩ ଓଭରରେ ୨୮୬ ରନ୍ କରିଥିଲା । ୧.୪ ଓଭରରେ ଦଳୀୟ ସ୍କୋର୍ ମାତ୍ର ୧୧ ରନ୍ ହୋଇଥିବା ବେଳେ ଖସିଥିଲା ଅଷ୍ଟ୍ରେଲିଆର ପ୍ରଥମ ୱିକେଟ୍ । ମାତ୍ର ୧୧ ରନରେ ଆଉଟ୍ ହୋଇ ଯାଇଥିଲେ ଓପନର ହେଡ୍ । ଏହାପରେ ୫.୪ ଓଭରରେ ଦଳର ସ୍କୋର ୩୮ ଥିବା ବେଳେ ୱାର୍ଣ୍ଣର ଆଉଟ୍ ହୋଇଥିଲେ ।
ବର୍ଷା ପାଇଁ ବ୍ୟାଟିଂରେ ବ୍ରେକ୍, ମ୍ୟାଚ୍ ଧୋଇଗଲେ ବିଶ୍ୱକପରୁ ବାହାରିଯିବ କି ପାକିସ୍ତାନ ?
ଇଂଲଣ୍ଡ ପକ୍ଷରୁ କ୍ରିସ୍ ୱକ୍ସ ସର୍ବାଧିକ ୪ଟି ୱିକେଟ୍ ନେଇଥିବା ବେଳେ ମାର୍କ ୱୁଡ୍ ୨ଟି, ଆଦିଲ୍ ରସିଦ୍ ୨ଟି, ୱିଲି ଓ ଲିଭିଂଷ୍ଟୋନ୍ ଗୋଟିଏ ଲେଖାଏଁ ସଫଳତା ପାଇଛନ୍ତି । ଅଷ୍ଟ୍ରେଲିଆ ପକ୍ଷରୁ ଲାବୁସ୍କେଗ୍ ସର୍ବାଧିକ ୭୧ ରନ୍ କରିଥିବା ବେଳେ ଅନ୍ୟ କୌଣସି ଖେଳାଳି ଅର୍ଦ୍ଧଶତକ କରି ପାରି ନାହାଁନ୍ତି ।
ବିଶ୍ୱକପ୍ ପଏଣ୍ଟ ଟେବୁଲର ସବୁଠୁ ତଳେ ରହିଛି ଇଂଲଣ୍ଡ ଟିମ୍ । ଦଳ ୬ଟି ମ୍ୟାଚ୍ ଖେଳି ଗୋଟିଏ ଜିତିଥିବା ବେଳେ ୫ଟିରେ ହାରି ବିଶ୍ୱକପରୁ ବିଦା ହୋଇ ସାରିଛି । ଏବେ ସମ୍ମାନ ରକ୍ଷା ଲାଗି ପଏଣ୍ଟ ଟେବୁଲର ତୃତୀୟ ସ୍ଥାନରେ ଥିବା ଅଷ୍ଟ୍ରେଲିଆ ସହ ଲଢ଼ୁଛି ।
ଯୁଦ୍ଧ ଭୂଇଁରୁ ଛାତିଥରା ଖବର; ଆମ୍ବୁଲାନ୍ସ ଉପରେ ଇସ୍ରାଏଲର ଏୟାରଷ୍ଟ୍ରାଇକରେ ୧୫ ମୃତ
