ନୂଆଦିଲ୍ଲୀ, ୦୧/୦୯: ଘରୋଇ ରୋଷେଇ ଗ୍ୟାସ୍ ପରେ ସରକାର ବାଣିଜ୍ୟିକ ସିଲିଣ୍ଡର ଦର ହ୍ରାସ କରିଛନ୍ତି । ଆଜିଠୁ ଲାଗୁ ହୋଇଛି ନୂଆ ଦର । ୧୯ କେଜି କମର୍ସିଆଲ୍ ସିଲିଣ୍ଡର ଦର ୧୫୮ ଟଙ୍କା କମ୍ ହୋଇଛି । କିଛିଦିନ ତଳେ ସରକାର ଘରୋଇ ରୋଷେଇ ଏଲପିଜି ଦର ୨୦୦ ଟଙ୍କା କମାଇଥିଲେ ।
ଏବେ ୧୯ କେଜି କମର୍ସିଆଲ୍ ଗ୍ୟାସ୍ ପାଇଁ ଉପଭୋକ୍ତାଙ୍କୁ ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ୧୫୨୨ ଟଙ୍କା ଦେବାକୁ ପଡ଼ିବ । ଯେତେବେଳେ କି କୋଲକାତାରେ ୧୬୩୬ ଟଙ୍କା, ମୁମ୍ବାଇରେ ୧୪୮୨ ଟଙ୍କା ଓ ଚେନ୍ନାଇରେ ୧୯ କେଜି କମର୍ସିଆଲ୍ ସିଲିଣ୍ଡର ଦର ୧୬୯୫ ଟଙ୍କା ହୋଇଛି ।
୧୮ ପ୍ରତିଶତ ବଢ଼ିଲା ATF ଦାମ, ପାର୍ବଣ ଋତୁରେ ବିମାନ ଯାତ୍ରା ମହଙ୍ଗା ହେବ
ରାକ୍ଷୀ ପୂର୍ଣ୍ଣିମା ଅବସରରେ କେନ୍ଦ୍ର ସରକାର ଘରୋଇ ରୋଷେଇ ଗ୍ୟାସ୍ ମୂଲ୍ୟ ୨୦୦ ଟଙ୍କା କମାଇଥିଲେ । ଉଜ୍ଜ୍ୱଳା ହିତାଧିକାରୀଙ୍କୁ ଅତିରିକ୍ତ ୨୦୦ ଟଙ୍କା ସବସିଡି ଦେବା ନେଇ ଘୋଷଣା କରିଥିଲେ । ଏଭଳି ଭାବେ ଉଜ୍ଜ୍ୱଳା ହିତାଧିକାରୀ ୪୦୦ ଟଙ୍କା ଶସ୍ତାରେ ଗ୍ୟାସ୍ କିଣି ପାରିବେ ।
ଜୁଲାଇ ପୂର୍ବରୁ ବାଣିଜ୍ୟିକ ସିଲିଣ୍ଡର ଦାମ ଚଳିତବର୍ଷ ୨ ଥର କମିଥିଲା । ମେ ଓ ଜୁନରେ ସରକାର ୨ ଥର କମର୍ସିଆଲ୍ ଗ୍ୟାସ ଦର ହ୍ରାସ କରିଥିଲେ । ମେରେ ତୈଳ କମ୍ପାନୀ ୧୯ କେଜି ସିଲିଣ୍ଡର ଦାମ ୧୭୨ ଟଙ୍କା ହ୍ରାସ କରିଥିବା ବେଳେ ଜୁନରେ ୮୩ ଟଙ୍କା କମାଇଥିଲେ । ଏହାଛଡ଼ା ଏପ୍ରିଲ୍ ମାସରେ ସିଲିଣ୍ଡର ପିଛା ଦର ୯୧ ଟଙ୍କା ୫୦ ପଇସା ହ୍ରାସ ପାଇଥିଲା ।
୧୭ ମାଛକୁ ୭୦ ଲକ୍ଷରେ ବିକ୍ରି କଲେ ମତ୍ସ୍ୟଜୀବୀ, କିଣିଲା କୋଲକାତାର ଜିକେଡି କମ୍ପାନି