ବେଙ୍ଗଲୁରୁ, ୦୩/୦୯: ଚନ୍ଦ୍ରପୃଷ୍ଠରେ ଚନ୍ଦ୍ରଯାନ-୩ ଅବତରଣକୁ ୧୨ ଦିନ ବିତିଛି । ଏବେ ଚନ୍ଦ୍ରର ଦକ୍ଷିଣ ମେରୁରେ ସନ୍ଧ୍ୟା ହୋଇଥିବା ବେଳେ ଦିନକ ପରେ ରାତି ଆସିଯିବ । ଇସ୍ରୋ, ରୋଭର ପ୍ରଜ୍ଞାନକୁ ସ୍ଲିପ୍ ମୋଡରେ ରଖିଥିବା ବେଳେ ରାତି ଅନ୍ଧାରରେ ବିଶ୍ରାମ ନେବ । 

ତେବେ ଦେଖିବାର କଥା ରାତି ବିତିବା ସହ ୦ସୂର୍ଯ୍ୟୋଦୟ ହେଲେ ଲ୍ୟାଣ୍ଡର ଓ ରୋଭର ପୁଣି କିଭଳି କାର୍ଯ୍ୟ କରୁଛନ୍ତି । କାରଣ ଚନ୍ଦ୍ରର ରାତି ପୃଥିବୀ ଭଳି ନୁହେଁ । ସେଠାରେ ରାତି ପୃଥିବୀର ୧୪ ଦିନ ସହ ସମାନ । ଆଉ ଏହି ସମୟରେ ଜହ୍ନର ଦକ୍ଷିଣ ମେରୁର ତାପମାତ୍ରା ବିଯୁକ୍ତ ୨୩୮ ଡିଗ୍ରୀ ସେଲସିୟସ୍ ଯାଏ ଖସି ଯାଇଥାଏ ।

ସ୍ଲିପ୍‌ ମୋଡ୍‌ରେ ରୋଭର ପ୍ରଜ୍ଞାନ୍‌, ୧୪ ଦିନ ପରେ ପୁଣି ସକ୍ରିୟ ହେବା ନେଇ ଆଶା ରଖିଛି ଇସ୍ରୋ

ଲ୍ୟାଣ୍ଡର ବିକ୍ରମ ଓ ରୋଭର ପ୍ରଜ୍ଞାନ ଉଭୟ ସୂର୍ଯ୍ୟ କିରଣରେ ବ୍ୟାଟେରୀ ଚାର୍ଜ କରିଥାଆନ୍ତି । ଏଭଳି ସ୍ଥିତିରେ ଅନ୍ଧାରରେ ଉଭୟ କାମ କରି ପାରିବେ ନାହିଁ । ତେଣୁ ଅନ୍ଧାର ହେବା ପୂର୍ବରୁ ଲ୍ୟାଣ୍ଡର ଓ ରୋଭର ଟାସ୍କ ପୂରଣ କରିବା ସହ ବିଶ୍ରାମ ନେଉଛନ୍ତି ।

ଇସ୍ରୋର ସୂଚନା ଅନୁସାରେ, ରୋଭରରେ ଏପିଏକ୍ସଏସ୍ ଓ ଏଲ୍ଆଇବିଏସ୍ ପେଲୋଡ୍ସକୁ ବନ୍ଦ କରି ଦିଆଯାଇଛି । ଏଥିସହ ପ୍ରଜ୍ଞାନକୁ ସୁରକ୍ଷିତ ଭାବେ ପାର୍କ କରିବା ସହ ସ୍ଲିପ୍ ମୋଡରେ ରଖାଯାଇଛି । ଏଥିସହ ସମସ୍ତ ଡାଟାକୁ ଇସ୍ରୋ କର୍ତ୍ତୃପକ୍ଷ ହାସଲ କରିଛନ୍ତି । କାରଣ ରାତିର ଅନ୍ଧାରରେ କିଛି ଅଘଟଣ ଘଟିଲେ ଏବେ ଯାଏ ମିଳିଥିବା ତଥ୍ୟ ବେକାର ଯାଇଥାନ୍ତା ।

ଇସ୍ରୋ ସୂର୍ଯ୍ୟ ମିଶନ୍‌ର ଉଦ୍ଦେଶ୍ୟ କ’ଣ ? ଜାଣନ୍ତୁ...

ଚନ୍ଦ୍ରରେ ରାତି ପୃଥିବୀର ୧୪ ଦିନ ସହ ସମାନ । ଥରେ ଅନ୍ଧାର ହେଲେ ସୂର୍ଯ୍ୟୋଦୟ ପାଇଁ ୧୪ ଦିନ ଅପେକ୍ଷା କରିବାକୁ ପଡ଼ିବ । ଏହାବାଦ୍ ସେଠାରେ ଥଣ୍ଡା ଅତ୍ୟଧିକ । ତାପମାତ୍ରା ବିଯୁକ୍ତ ୨୩୮ ଡିଗ୍ରୀ ଯାଏ ଖସି ଯାଇଥାଏ । ସେଠାରେ ଭୂମିକମ୍ପ ଆସିବା ସହ ବାୟୁମଣ୍ଡଳ ନଥିବାରୁ ଉଲକା ପିଣ୍ଡ ଖସିଥାଏ । ଏଭଳି ଜଟିଳ ସ୍ଥିତିରେ ରୋଭର ଓ ଲ୍ୟାଣ୍ଡର ସୁରକ୍ଷିତ ରହିଲେ ହିଁ ସୂର୍ଯ୍ୟୋଦୟ ପରେ କାମ କରିବା ବଡ଼ କଥା ହେବ । 

ରୋଭର ସମ୍ପୂର୍ଣ୍ଣ ଚାର୍ଜ ହୋଇ ରହିଥିବା ଜଣାପଡ଼ିଛି । ସେପ୍ଟେମ୍ବର ୨୨ରେ ଚନ୍ଦ୍ରରେ ସୂର୍ଯ୍ୟୋଦୟ ହେଲେ ତାହା କାମ କରି ପାରିବ । ତେବେ କୌଣସି କାରଣରୁ ଉଭୟ କ୍ଷତିଗ୍ରସ୍ତ ହେଲେ ପୁଣି ଥରେ କାର୍ଯ୍ୟକ୍ଷମ କରିବାକୁ ଇସ୍ରୋର କୌଣସି ଯୋଜନା ନଥିବା ଜଣାପଡ଼ିଛି ।

ପୂର୍ବତନ ବାଚସ୍ପତି ସୂର୍ଯ୍ୟ ପାତ୍ରଙ୍କ ଶେଷ ଦର୍ଶନ କରି ପରିବାର ବର୍ଗଙ୍କୁ ସମବେଦନା ଜଣାଇଲେ ମୁଖ୍ୟମନ୍ତ୍ରୀ