ନୂଆଦିଲ୍ଲୀ, ୨୭/୦୯: ଫ୍ଲାଇଟରେ ବସିଥିଲେ ଶତାଧିକ ଯାତ୍ରୀ । ଗଡ଼ି ଚାଲିଥିଲା ସମୟ । ଘଣ୍ଟା ପରେ ଘଣ୍ଟା ବିତୁଥିଲା, ହେଲେ ବିମାନ ଉଡ଼ାଣ କରୁ ନଥିଲା । ଏୟାର ଇଣ୍ଡିଆର ଦିଲ୍ଲୀ-ପୁଣେ ବିମାନର ପାଇଲଟ୍ ନ ଆସିବାରୁ ଲଗାତାର ୨ ଦିନ ଘଣ୍ଟା ଘଣ୍ଟା ଧରି ରନୱେରେ ଛିଡ଼ା ହୋଇ ରହିଥିଲା ।
ସେପ୍ଟେମ୍ବର ୨୫ରେ ପାଇଲଟ୍ ନ ଆସିବାରୁ ଫ୍ଲାଇଟ୍ ନମ୍ବର ଏଆଇ୮୫୩ ୨ ଘଣ୍ଟା ଯାଏ ରନୱେରେ ଛିଡ଼ା ହୋଇଥିଲା । ସେହିଭଳି ୨୬ ତାରିଖରେ ପାଇଲଟଙ୍କ ପାଇଁ ୪ ଘଣ୍ଟା ଛିଡ଼ା ହୋଇ ରହିଥିଲା ବିମାନ । ଯାତ୍ରୀ ଏୟାରପୋର୍ଟ ଟର୍ମିନାଲରେ ଅପେକ୍ଷା କରି କରି ହୋହଲ୍ଲା ଆରମ୍ଭ କରିଥିଲେ । ଯାତ୍ରୀଙ୍କ ହଙ୍ଗାମା ପରେ ଏୟାରଲାଇନ୍ସ ପକ୍ଷରୁ କୁହାଯାଇଥିଲା, ବିଳମ୍ବ ପଛରେ ଅପରେସନାଲ୍ ପ୍ରୋବ୍ଲେମ୍ ରହିଛି ।
ଜେଲ୍ କର୍ତ୍ତୃପକ୍ଷଙ୍କ ସାମାନ୍ୟ ଭୁଲ୍ ପାଇଁ ୩ ବର୍ଷ ଅଧିକ ସଜ୍ଜା ଭୋଗିଲେ ବ୍ୟକ୍ତି
ସୂତ୍ର ଅନୁସାରେ, କାର୍ଯ୍ୟ ସମୟ (ଡ୍ୟୁଟି ଟାଇମ୍) ସମ୍ପୂର୍ଣ୍ଣ ହେବା ପରେ ବିମାନ ଛାଡ଼ି ପଳାଇଥିଲେ ପାଇଲଟ୍ । ବିମାନ ବିଳମ୍ବ ହେବାରୁ ଯାତ୍ରୀ ଅସନ୍ତୋଷ ପ୍ରକାଶ କରିଥିଲେ । ସୋମବାର ଦିଲ୍ଲୀରୁ ପୁଣେ ଯାଉଥିବା ଯାତ୍ରୀଙ୍କ ଅନୁସାରେ, ବିମାନରେ ଅନେକ ଛୋଟ ଛୁଆଙ୍କ ସହ ବୟସ୍କ ରହିଥିଲେ ।
ସନ୍ଧ୍ୟା ୭ଟା ୧୦ରେ ବିମାନ ଉଡ଼ାଣ ଭରିବାର ଥିଲା । ଯାହାକି ପୁନେରେ ରାତି ୯ଟା ୧୦ରେ ପହଞ୍ଚିଥାନ୍ତା । ତେବେ ବିମାନଟି ରାତି ୯ଟାରେ ଦିଲ୍ଲୀ ଛାଡ଼ି ରାତି ୧୧ରେ ପୁନେରେ ପହଞ୍ଚିଥିଲା । ସେହିଭଳି ସେପ୍ଟେମ୍ବର ୧୬ରେ ପାଇଲଟ୍ ରାତି ୧୦ଟା ୩୦ରେ ଆସିବାରୁ ବିମାନ ରାତି ୧୧ଟାରେ ଦିଲ୍ଲୀରୁ ପୁନେ ଅଭିମୁଖେ ଉଡ଼ିଥିଲା ।
ଗୁଗଲ୍କୁ ପୂରିଲା ୨୫ ବର୍ଷ, ବାର୍ଥ ଡେ’ରେ ଭାରତକୁ ଭେଟି ଦେଲା ଭୂକମ୍ପ ଆଲର୍ଟ ଫିଚର୍
୩ ମାସରେ ଚତୁର୍ଥ ଘଟଣା
ଏହା ପୂର୍ବରୁ ଜୁଲାଇ ୫ରେ ଦିଲ୍ଲୀରୁ କୋଲକାତା ଯାଉଥିବା ଇଣ୍ଡିଗୋ ବିମାନ ଘଣ୍ଟାଏ ବିଳମ୍ବରେ ଉଡ଼ାଣ ଭରିଥିଲା । ଉକ୍ତ ବିମାନରେ ୧୮୦ ଜଣ ଯାତ୍ରୀ ଥିଲେ । ସେହିଦିନ ଦୁବାଇରୁ ଅହମଦାବାଦ ଆସୁଥିବା ସ୍ପାଇସଜେଟର ବିମାନ ଖରାପ ପାଣିପାଗ ପାଇଁ ଜୟପୁର ଡାଇଭର୍ଟ କରାଯାଇଥିଲା । ୧୦ ଘଣ୍ଟା ବିତିବା ପରେ ବି ବିମାନ ରିସେଡଲ୍ୟୁଡ୍ କରାଯାଇ ନଥିଲା । କାର୍ଯ୍ୟ ସମୟ ସରିବାରୁ ପାଇଲଟ୍ ପଳାଇଥିଲେ ।
ଜୁନ୍ ୨୫ରେ ଲଣ୍ଡନରୁ ଦିଲ୍ଲୀ ଆସୁଥିବା ଏୟାରଇଣ୍ଡିଆ ବିମାନ ଖରାପ ପାଣିପାଗ ପାଇଁ ଜୟପୁରରେ ଅବତରଣ କରିଥିଲା । ପାଇଲଟ୍ ଜୟପୁରରେ ବିମାନକୁ ଛାଡ଼ି ପଳାଇଥିଲେ । ପାଇଲଟଙ୍କ କହିବା କଥା ଥିଲା, ତାଙ୍କ କାର୍ଯ୍ୟ ସମୟ ସରି ଯାଇଛି । ପ୍ରାୟ ୬ ଘଣ୍ଟା ଧରି ଯାତ୍ରୀ ବିମାନବନ୍ଦରରେ ଅଟକିବା ପରେ ସେମାନଙ୍କୁ ସଡ଼କ ପଥରେ ଦିଲ୍ଲୀ ନିଆଯାଇଥିଲା ।