ପୁନେ, ୨୯/୧୧: ଗୋଟିଏ ବଗିରେ ୯୦ ଯାତ୍ରୀ ଅସୁସ୍ଥ ହୋଇ ପଡ଼ିଛନ୍ତି । ଚେନ୍ନାଇରୁ ଗୁଜରାଟର ପାଲିଟଣା ଯାଉଥିବା ଟ୍ରେନରେ ବିଷାକ୍ତ ଖାଦ୍ୟ ଖାଇ ୯୦ ଯାତ୍ରୀ ଅସୁସ୍ଥ ହୋଇଥିବା ଜଣାପଡ଼ିଛି । ମହାରାଷ୍ଟ୍ରର ପୁନେ ଷ୍ଟେସନରେ ସମସ୍ତ ଯାତ୍ରୀଙ୍କ ଚିକିତ୍ସା କରିଛନ୍ତି ଡାକ୍ତରୀ ଦଳ । ଏବେ ସମସ୍ତ ଯାତ୍ରୀଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଥିବା ବେଳେ ୫୦ ମିନିଟ୍ ପରେ ଟ୍ରେନ୍ ଛାଡ଼ିଥିଲା ।
ଗୁଜରାଟ ଯାଉଥିବା ‘ଭାରତ ଗୌରବ’ ସ୍ୱତନ୍ତ୍ର ଟ୍ରେନକୁ ଏକ ସମୁହ ବୁକିଂ କରିଥିଲେ । ଗୁଜରାଟର ପାଲିଟଣାରେ ଧାର୍ମିକ କାର୍ଯ୍ୟକ୍ରମ ପାଇଁ ଘରୋଇ ଭାବେ ବୁକ୍ କରାଯାଇଥିବା ଟ୍ରେନରେ ଯାତ୍ରୀ ଯାଉଥିଲେ । କେନ୍ଦ୍ରୀୟ ରେଲୱେର ଜନସମ୍ପର୍କ ଅଧିକାରୀଙ୍କ ଅନୁସାରେ, ଟ୍ରେନରେ ଅସୁସ୍ଥ ହୋଇଥିବା ଯାତ୍ରୀ ସମୁହ ଘରୋଇ ଖାଦ୍ୟ ଆଣିଥିଲେ । ଉକ୍ତ ଖାଦ୍ୟକୁ ରେଲୱେ କିମ୍ବା ଆଇଆରସିଟିସି ପକ୍ଷରୁ ବିତରଣ କରାଯାଇ ନଥିଲା ।
ମହାରାଷ୍ଟ୍ରର ସୋଲାପୁରରୁ ପୁନେ ଷ୍ଟେସନ ମଧ୍ୟରେ ଗୋଟିଏ ବଗିରେ ଥିବା ୮୦ରୁ ୯୦ ଜଣ ଯାତ୍ରୀ ଅସୁସ୍ଥ ଅନୁଭବ କରିଥିଲେ । ଯାତ୍ରୀମାନେ ବାନ୍ତି କରିବା ସହ ତରଳ ଝାଡ଼ା ଓ ମୁଣ୍ଡବିନ୍ଧା ଅନୁଭବ କରିଥିଲେ । ପୁନେ ଷ୍ଟେସନରେ ଯାତ୍ରୀଙ୍କ ଚିକିତ୍ସା କରିଥିଲେ ସ୍ୱତନ୍ତ୍ର ଡାକ୍ତରୀ ଦଳ ।
ସେହି ବିପଜ୍ଜନକ ଡଙ୍କି ରୁଟ୍, ଯେଉଁଥିରେ ଯାଇଛି ଅନେକ ଲୋକଙ୍କ ଜୀବନ; ଏହି ରାସ୍ତାକୁ ଅତିକ୍ରମ କେତେ କଷ୍ଟକର?
