ନୂଆଦିଲ୍ଲୀ: ସାଉଦି ଆରବରେ ଏକ ଭୟଙ୍କର ସଡ଼କ ଦୁର୍ଘଟଣାରେ ୯ ଜଣ ଭାରତୀୟଙ୍କ ମୃତ୍ୟୁ ହୋଇଛି। ଜେହାଦ୍ଦା ସ୍ଥିତ ଭାରତୀୟ ମିଶନ୍ ଏ ବିଷୟରେ ସୂଚନା ଦେଇଛି। ମିଶନ କହିଛି ଯେ, ଏହି ଦୁର୍ଘଟଣାଟି ପଶ୍ଚିମ ସାଉଦି ଆରବର ଜିଜାନ ନିକଟରେ ଘଟିଛି। ମିଶନ ଦୁର୍ଘଟଣାରେ ମୃତକଙ୍କ ପରିବାର ସହିତ ଯୋଗାଯୋଗରେ ଅଛି। ଏହା ବ୍ୟତୀତ, ସେ ସାଉଦି ଅଧିକାରୀଙ୍କ ସହ ଯୋଗାଯୋଗରେ ଅଛନ୍ତି ଏବଂ ସେମାନେ ସେମାନଙ୍କର ସମର୍ଥନ ଦେଉଛନ୍ତି।

ଭାରତୀୟ ବାଣିଜ୍ୟ ଦୂତାବାସ ଏହାର X ରେ କହିଛି ଯେ, "ଆମେ ସାଉଦି ଆରବ ସାମ୍ରାଜ୍ୟର ପଶ୍ଚିମ ଅଞ୍ଚଳର ଜିଜାନ ନିକଟରେ ଏକ ସଡ଼କ ଦୁର୍ଘଟଣାରେ ୯ ଜଣ ଭାରତୀୟ ନାଗରିକଙ୍କ ଦୁଃଖଦ ମୃତ୍ୟୁ ପାଇଁ ଗଭୀର ସମବେଦନା ପ୍ରକାଶ କରୁଛୁ,।  ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ଆମର ଗଭୀର ସମବେଦନା। ଜେଦ୍ଦାହରେ ଥିବା ଭାରତୀୟ ବାଣିଜ୍ୟ ଦୂତାବାସ ପୂର୍ଣ୍ଣ ସହାୟତା ଯୋଗାଇ ଦେଉଛନ୍ତି ଏବଂ କର୍ତ୍ତୃପକ୍ଷ ଏବଂ ପରିବାର ସହିତ ଯୋଗାଯୋଗରେ ଅଛନ୍ତି। ଆମେ ଆହତ ମାନଙ୍କ ଶୀଘ୍ର ଆରୋଗ୍ୟ କାମନା ମଧ୍ୟ କରୁଛୁ। ସେ ଏହା ମଧ୍ୟ ସୂଚନା ଦେଇଛନ୍ତି ଯେ ଦୁର୍ଘଟଣା ସମ୍ପର୍କରେ ମୃତକ ଏବଂ ଆହତଙ୍କ ସମ୍ପର୍କୀୟମାନେ ଯୋଗାଯୋଗ କରିପାରିବେ ବୋଲି ଏକ ହେଲ୍ପଲାଇନ୍ ନମ୍ବର ଜାରି କରାଯାଇଛି।

ଏହି ଦୁର୍ଘଟଣାରେ ବୈଦେଶିକ ମନ୍ତ୍ରୀ ଏସ ଜୟଶଙ୍କର ମଧ୍ୟ ଦୁଃଖ ପ୍ରକାଶ କରିଛନ୍ତି। ସେ କହିଛନ୍ତି ଯେ ଦୁର୍ଘଟଣା ଏବଂ ଜୀବନହାନି ବିଷୟରେ ଜାଣିବା ପରେ ସେ "ଦୁଃଖିତ"। ଏନେଇ ଏକ ଟ୍ବିଟ୍ ମଧ୍ୟ ସେ କରିଛନ୍ତି।