ସମ୍ବଲପୁର,୨୩/୦୮: ହୀରାକୁଦ ଜଳ ଭଣ୍ଡାରରେ ଖୋଲିଲା ଆଉ ୬ଟି ଗେଟ୍ । ଗୁରୁବାର ଏହି ୬ଟି ଗେଟ୍ ଖୋଲାଯାଇଛି । ଲଗାଣ ବର୍ଷା କାରଣକୁ ଉପରମୁଣ୍ଡରେ ଜଳ ପ୍ରବେଶ ଏବଂ ଜଳସ୍ତର ବଢିଛି । ଏହି କାରଣରୁ ଜଳ ଭଣ୍ଡାର କର୍ତ୍ତୃପକ୍ଷ ଆଉ ୬ଟି ଗେଟ୍ ଖୋଲିବା ପାଇଁ ନିଷ୍ପତ୍ତି ନେଇଛନ୍ତି । ତେବେ ଶୁକ୍ରବାର ଜଳଭଣ୍ଡାର ଇନଫ୍ଲୋ ଓ ଆଉଟଫ୍ଲୋ ସମାନ ରହିଥିବା ନେଇ ଡ୍ୟାମ କର୍ତ୍ତୃପକ୍ଷ ସୂଚନା ଦେଇଛନ୍ତି । ପ୍ରତି ସେକେଣ୍ଡରେ ଜଳଭଣ୍ଡାରକୁ ୧ଲକ୍ଷ ୩୦ ହଜାର ୬୨୧ କ୍ୟୁସେକ ଜଳ ପ୍ରବେଶ କରୁଛି । ଏହାର ଜଳ ସ୍ତର ବୃଦ୍ଧି ପାଇ ୬୨୦.୮୩ ଫୁଟରେ ପହଞ୍ଚିଛି ।
ତେବେ ଅଗଷ୍ଟ ୯ ତାରିଖରେ ମୋଟ ୧୪ଟି ଗେଟ୍ ଦେଇ ବନ୍ୟାଜଳ ନିଷ୍କାସିତ କରାଯାଉଥିଲା । ପରେ ଅଗଷ୍ଟ ୨୨ ତାରିଖ ଅର୍ଥାତ ଗୁରୁବାରରେ ଆଉ ୬ଟି ଗେଟ୍ ଖୋଲାଯାଇଛି । ତେବେ ବର୍ତ୍ତମାନ ମୋଟ୍ ୨୦ ଟି ଗେଟ୍ ଦେଇ ବନ୍ୟା ଜଳ ନିସ୍କାଷିତ ହେଉଛି ।
