ବାଙ୍ଗିରିପୋଷି,୧୨/୦୧: ବାଙ୍ଗିରିପୋଷି ବ୍ଲକ ଭୁଆସୁଣୀ ଗ୍ରାମ ପଞ୍ଚାୟତ ଅନ୍ତର୍ଗତ ତିଳା ଗ୍ରାମରୁ ଛେଳି ଚୋରି କରିବାକୁ ଆସି ଗ୍ରାମବାସୀ ହାତରେ ଧରା ପଡିଲେ ୪ ଯୁବକ । ଉତ୍ୟକ୍ତ ଗ୍ରାମବାସୀ ସେମାନଙ୍କୁ ବାନ୍ଧି ନିସ୍ତୁକ ମାଡ଼ ମାରି ବାଙ୍ଗିରିପୋଷି ପୁଲିସକୁ ଜିମା ଦେଇଥିଲେ। ଧରା ପଡ଼ିଥିବା ଯୁବକ ମାନେ ହେଲେ ବାରିପଦା ଥାନା ବିଜୟରାମଚନ୍ଦ୍ର ପୁର ଗ୍ରାମର ଜୟନ୍ତ ବେହେରା (୩୨), ବାରିପଦା ଥାନା କଲାଅସ୍ତିଆର ଦିଲ୍ଲୀପ ସିଂ (୨୮), କୁଳିଅଣା ଥାନା କିଶାନଡାହି ଗ୍ରାମର ଲକ୍ଷ୍ମଣ ସିଂ (୨୮) ଓ ଶୁଳିଆପଦା ଥାନା କୋଷ୍ଠା ଗ୍ରାମର ସୁରଜ ମୁଖି (୨୮) ।
ସୂଚନା ମୁତାବକ, ତିଳା ଗ୍ରାମର ସୁରେନ୍ଦ୍ର ପାତ୍ରଙ୍କ ଦୁଇଟି ଛେଳି ଚୋରି କରୁଥିବା ବେଳେ ସ୍ଥାନୀୟଲୋକେ ଏହା ଦେଖି ପାଟି କରିଥିଲେ। ଅଭିଯୁକ୍ତ ଯୁବକ ମାନେ ଏକ କାର (ଓଡି୧୧ଏସି୯୭୭୩) ଯୋଗେ ପଳାଇବାକୁ ଉଦ୍ୟମ କରିଥିଲେ । ଏହା ଦେଖି ଗ୍ରାମବାସୀମାନେ ସେମାନଙ୍କୁ କାବୁ କରିଥିଲେ । ଚୋରଙ୍କ ପାଖରୁ ଦୁଇଟି ଛେଳି ଉଦ୍ଧାର କରି ସେମାନଙ୍କୁ ବାନ୍ଧି ନିସ୍ତୁକ ଛେଚି ଥିଲେ । ପରେ ବାଙ୍ଗିରିପୋଷି ପୁଲିସକୁ ଖବର ଦେଇ ସେମାନଙ୍କୁ ଜିମା ଦେଇଥିଲେ ।
