ମାଲକାନଗିରି,୯।୧୨ (ଆ.ପ୍ର) : ମାଲକାନଗିରି ଜିଲ୍ଲାରେ ଧାନର ଇନ୍ପୁଟ ସହାୟତା ଚାଷୀମାନଙ୍କୁ ଦେଵା ଆରମ୍ଭ କରାଯାଇଛି। ଏଥି ନିମନ୍ତେ ଆୟୋଜିତ ସଭାରେ ଉପସ୍ଥିତ ରହି କୃଷକ କଲ୍ୟାଣ ଓ ଆର୍ଥିକ ବିକାଶ ଯୋଜନାରେ ସାମିଲ ହେଲେ ୧୫ ଶହରୁ ଉର୍ଦ୍ଧ ଚାଷୀ। ଇତି ମଧ୍ୟରେ ମାଲକାନଗିରି ଜିଲ୍ଲାରେ ଧାନମଣ୍ଡିରେ ଧାନ ବିକ୍ରୟ ନିମନ୍ତେ ନାମ ପଞ୍ଜିକରଣ କରିଛନ୍ତି ୩୫ହଜାର ୪୯୮ ଚାଷୀ। ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଦ୍ଵାରା ରବିବାର ଦିନ ଭିଡିଓ କନଫରେନ୍ସ ମାଧ୍ୟମରେ ଧାନର ସର୍ବନିମ୍ନ ସହାୟତା ମୂଲ୍ୟ କୁଇଣ୍ଟାଲ ପିଛା ୨୩୦୦ ଟଙ୍କା ଉପରେ ୮୦୦ ଟଙ୍କାର ଇନପୁଟ ସହାୟତା ସବସିଡି ସହିତ ସମୁଦାୟ ୩୧୦୦ ଟଙ୍କା ଚାଷୀଙ୍କୁ ପ୍ରଦାନ କରାଯାଇଛି।
ମାଲକାନଗିରି ଜିଲ୍ଲା ସଦର ମହାକୁମା ମାଲ୍ୟବନ୍ତ ଛାତ୍ରବାସ ପରିସର ରେ ଅନୁଷ୍ଠିତ ସଭାରେ ଭର୍ଚ୍ଚୁଆଲ ସଭାରେ ମୁଖ୍ୟଅତିଥି ଭାବେ ଜିଲ୍ଲା ପରିଷଦ ଅଧ୍ୟକ୍ଷା ସମାରୀ ଟାଙ୍ଗୁଲା,ସମ୍ମାନିତ ଅତିଥି ଭାବେ ଜିଲ୍ଲାପାଳ ଆଶିଷ ଈଶ୍ୱର ପାଟିଲ, ଅତିରିକ୍ତ ଜିଲ୍ଲାପାଳ ବେଦବର ପ୍ରଧାନ,ଉପଜିଲ୍ଲାପାଳ ଦୁର୍ଯ୍ୟଧନ ଭୋଇ,ଜିଲ୍ଲା ଖାଦ୍ୟ ଯୋଗାଣ ଅଧିକାରୀ ଏମ. ଏମ. ପଟ୍ଟନାୟକ,ସାଂସଦ ଓ ବିଧାୟକ ପ୍ରତିନିଧି, ଙ୍କ ସହିତ ଅନ୍ୟା ଲୋକ ପ୍ରତିନିଧି ମାନେ ଉପସ୍ଥିତ ଥିଲେ। ଏହି ଅବସର ରେ ଚାଷୀ ମାନଙ୍କୁ ଏଫକ୍ୟୁ ଧାନର ମାନ ନିର୍ଦ୍ଦାରଣ ମେସିନ ଦ୍ୱାରା ଡେମୋ ପ୍ରଦର୍ଶନ କରିଥିଲେ।
ଜିଲ୍ଲାରେ ଆସନ୍ତା ୧୬ତାରିଖ ଠାରୁ ଖରିଫ ଧାନ ମଣ୍ଡି ଆରମ୍ଭ ହେବାକୁ ଯାଉଛି। ଏହା ମାର୍ଚ୍ଚ ୩୧ତାରିଖ ପର୍ଯ୍ୟନ୍ତ ଚାଳିବ। ପ୍ରଥମ ପର୍ଯ୍ୟୟରେ ଇତି ମଧ୍ୟରେ ଜିଲ୍ଲା ରେ ପ୍ରାୟ ୩୫ ହଜାର ୪୯୮ ଜଣ ଚାଷୀ ଖରିଫ ଧାନ ବିକ୍ରୟ ପାଇଁ ନାମ ପଞ୍ଜୀକରଣ କରିଛନ୍ତି ।
