ବଣାଇ, ୧୯/୦୭ : ସୁନ୍ଦରଗଡ଼ ଜିଲ୍ଲା ବଣାଇ ଉପଖଣ୍ଡ ଲହୁଣୀପଡ଼ା ଥାନା ରାଜାମୁଣ୍ଡା ବାଇପାସ୍ ଛକରୁ କୋଇଡାକୁ ସଂଯୋଗ କରୁଥିବା ୫୨୦ ନଂ ଜାତୀୟ ରାଜପଥରେ ଦୁର୍ଘଟଣା। ରାସ୍ତା କାମ ବେଳେ ୩ ଶ୍ରମିକଙ୍କୁ ଚାପିଦେଲା ଟ୍ରକ୍। କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ କରାଯାଇଛି। ଫଳରେ ଯାତାୟତ ପ୍ରଭାବିତ ହୋଇଛି।

ସୂଚନାନୁଯାୟୀ, ଗୁରୁବାର ରାତି ସମୟରେ ରାଜାମୁଣ୍ଡା ବାଇପାସ୍ ଗୋଲେଇ ଛକରୁ ମାତ୍ର ୧୦୦ ମିଟର ଦୂରରେ ଏକ ସ୍ଥାନରେ ରାସ୍ତା ଦବି ଯାଇଥିଲା। (ଆରକେଡି) ଅଧୀନରେ କାର୍ଯ୍ୟ କରୁଥିବା ସୁପରଭାଇଜର କିଛି ଶ୍ରମିକଙ୍କୁ ନେଇ ଦବି ଯାଇଥିବା ରାସ୍ତାର ମରାମତି କାମ କରୁଥିଲେ। ସୁରକ୍ଷା ପାଇଁ କୈାଣସି ବ୍ୟାରିକେଡ ଦେଇ ନଥିବା ବେଳେ କେବଳ ନାମକୁ ମାତ୍ର ଷ୍ଟପ ଲେଖା ଯାଇଥିଲା। ରାତି ସମୟରେ କାମ ଚାଲୁଥିବା ବେଳେ ଏକ ହାଇୱା ଦ୍ରୁତ ଗତିରେ ଆସି କାର୍ଯ୍ୟ କରୁଥିବା ଶ୍ରମିକଙ୍କ ଉପରେ ମାଡି ଯାଇଥିଲା। ଏହା ସହିତ ପାଖରେ ଥିବା ଏକ ବୋଲେରୋୃକୁ ମଧ୍ୟ ଧକ୍କା ଦେଇଥିଲା। ଫଳରେ ଘଟଣା ସ୍ଥଳରେ ୩ ଶ୍ରମିକଙ୍କ ମୃତ୍ୟୁ ଘଟିଥିବା ବେଳେ ଆଉ ପାଞ୍ଚ ଜଣ ଶ୍ରମିକ ଗୁରୁତର ଆହତଙ୍କୁ ଉଦ୍ଧାର କରି ବଣାଇ ଡାକ୍ତରଖାନାକୁ ପଠାଯାଇଛି।