ଫିରିଙ୍ଗିଆ, ୦୭/୦୭ : କନ୍ଧମାଳ ଜିଲ୍ଲା ସଦର ଥାନା ଅନ୍ତର୍ଗତ କେରେଡି ଛକ ନିକଟରେ ରବିବାର ଦିନ ଅବକାରୀ ବିଭାଗ ଦ୍ଵାରା ଏକ ଗାଡ଼ିରୁ ଛତିଶ୍ କିଲୋ ଗଞ୍ଜେଇ ଜବତ କରାଯାଇଛି। ଏଥିସହ ୩ ଜଣଙ୍କୁ ଗିରଫ କରିଛି। କଇଁଝର୍ ଠାରୁ ଅନୁଗୁଳ ଜିଲ୍ଲାକୁ ଗଞେଇ ଚୋରା ଚାଲାଣ ହେଉଥିବା ବେଳେ ମାଡ଼ି ବସିଲା ଅବକାରୀ ଟିମ୍। ଗିରଫ ମାନେ ହେଲେ ଅନୁଗୁଳ ଜିଲ୍ଲା ଖଣ୍ଡପା ଥାନା ଅନ୍ତର୍ଗତ ସଲଣ୍ଡା ଗ୍ରାମର ଜଗା ପ୍ରଧାନ , ଖୁସାକିଲା ଗ୍ରାମର ରୁତନ ସାହୁ, ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଅନ୍ତର୍ଗତ ବେଣୀପାଲି ଗ୍ରାମର ପଞ୍ଚାନନ ବେହେରା ବୋଲି ଜଣା ପଡ଼ିଛି।
ଅନୁଗୁଳରୁ ଏକ କାର ( ନଂ ଓଡି୦୨ବିଏକ୍ସ ୫୩୩୩) କଇଁଝରରୁ ଅନୁଗୁଳ ଯାଉଥିଲା। ପୂର୍ବ ସୁଚନା ଅନୁସାରେ ଅବକାରୀ ଟିମ୍ କେରେଡି ଛକ ନିକଟରେ ଛପି ରହି ଥିଲେ। କେରେଡି ଛକ ନିକଟରେ କାରକୁ ଅଟକାଇ ଯାଞ୍ଚ କରିବାକୁ ସେଥିରୁ ୩୬ କିଲୋ ଗଞ୍ଜେଇ ବାହାରିଥିଲା। ଅବକାରୀ ଟିମ ଗଞ୍ଜେଇ ଜବତ କରିବା ସହ କାରରେ ଥିବା ୩ ଜଣଙ୍କୁ ଗିରଫ କରିଥିଲା।
ଏନେଇ ଫୁଲବାଣୀ ଅବକାରୀ ରେ ମାମଲା ରୁଜୁ କରି ଅଭଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ସୁଚନା ଦେଇଛନ୍ତି ଅବକାରୀ ଇନ୍ସପେକ୍ଟର ପୂର୍ଣ୍ଣଚନ୍ଦ୍ର ବେହେରା। ଚଢ଼ାଉ ବେଳେ ଇନ୍ସପେକ୍ଟର ଙ୍କ ନେତୃତ୍ୱରେ ସବ୍ ଇନ୍ସପେକ୍ଟର ଭବାନୀ ଶଙ୍କର ସେଠୀ, ଅବକାରୀ ଏ ଏସ ଆଇ ସୁଜିତ୍ କୁମାର ମୁଦୁଲି, ଅବକାରୀ କନେଷ୍ଟବଳ ଭୃଗୁପତି ଦିଗାଲ ଓ ଅନ୍ୟାନ୍ୟ କର୍ମଚାରୀ ମାନେ ସାମିଲ୍ ହୋଇଥିଲେ।