ଦାରିଙ୍ଗବାଡି,୩୦/୯(ଆପ୍ର): ଦାରିଙ୍ଗବାଡି ଥାନା ଅନ୍ତର୍ଗତ ୫୯ ନମ୍ୱର ଜାତୀୟ ରାଜପଥ ଲକଟି ଛକରେ ଦାରିଙ୍ଗବାଡି ପୋଲିସ ପକ୍ଷରୁ ଚଢାଉ କରାଯାଇ ୮ କିଲୋ ୫୦୦ ଗ୍ରାମ ଗଞ୍ଜେଇ ଜବତ କରାଯିବା ସହ ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ୨ ଜଣ ହେଲେ ନୂଆଗାଁ ଥାନା ସିର୍ତିଗୁଡ଼ା ଅଞ୍ଚଳର ଦୁଶାସନ ଦିଗାଲ (୪୧) ଓ ଭଞ୍ଜ ଦିଗାଲ(୫୦) । ପୋଲିସ ଏନେଇ ମାମଲା ରୁଜୁ କରି ଘଟଣାର ତଦନ୍ତ କରୁଛି ।

 ପୋଲିସ ସୂଚନା ଅନୁସାରେ , ରବିବାର ମଧ୍ୟାହ୍ନ ସମୟରେ ୨ ଜଣ ଗଞ୍ଜେଇ ଧରି ବ୍ରହ୍ମପୁର ଯିବା ପାଇଁ ଲକଟି ଛକରେ ବସ୍ କୁ ଅପେକ୍ଷା କରି ରହିଥିଲେ । ପୋଲିସ ବିଶେଷ ସୂତ୍ର ରୁ ଖବର ପାଇ ଥାନା ଅଧିକାରୀ ଙ୍କ ନିର୍ଦ୍ଦେଶ କ୍ରମେ ଏସଆଇ ଲକ୍ଷ୍ମୀ ମାଝୀ, ଏଏସଆଇ ଅର୍ଜୁନ ଶବର ଙ୍କ ସମେତ ପୋଲିସ ଫୋର୍ସ ଚଢଉ କରି ୨ ଜଣ ଙ୍କୁ ଗିରଫ କରି ଗଞେଇ ଜବତ କରିଥିଲେ।