ଚୌଦ୍ଵାର,୨୪।୪  :   ଚୌଦ୍ୱାର ଥାନା ଅନ୍ତର୍ଗତ ଡମଡମଣି ଡ୍ୟାମରେ ଅଘଟଣ। ଡମଡମଣି ଡ୍ୟାମରେ ଗାଧୋଉଥିବା ବେଳେ ବୁଡିଯାଇ ୨ ଜଣ ଛାତ୍ରଙ୍କ ମୃତ୍ୟୁ ଘଟିଛି। ମୃତକ ୨ ଜଣ ହେଲେ ସୃତିକ ଶତପଥୀ ଓ ସୋୟଙ୍ଗ ସଂକେତ ଦାଶ । ସମସ୍ତ ଛାତ୍ର କଟକ ଅଞ୍ଚଳର ବୋଲି ଜଣା ପଡିଛି।

କଟକ ଷ୍ଟୁଆର୍ଟ  କଲେଜରୁ ୫ ଜଣ ସାଙ୍ଗ  ଡମଡମଣି ପୀଠକୁ ବୁଲିବାକୁ ଆସିଥିଲେ। ଡ୍ୟାମ ନିକଟରେ ଗାଧୋଉଥିବା ସମୟରେ ୩ ଜଣଙ୍କ ଗୋଡ ଖସିଯାଇଥିଲା ।   ସ୍ଥାନୀୟ ଲୋକେ ଜଣଙ୍କୁ ଉଦ୍ଧାର କରିଥିଲେ । ମାତ୍ର ଆଉ ଦୁଇଜଣ  ନିଖୋଜ ହୋଇଯାଇଥିଲେ । ଖବର ପାଇ ଚୌଦ୍ଵାର ପୋଲିସ ଓ ଅଗ୍ନିଶମ କର୍ମଚାରୀ ପହଞ୍ଚି ଅନ୍ୟ ଦୁଇଜଣଙ୍କୁ ଉଦ୍ଧାର କରିଥିଲେ । ମାତ୍ର ସେତେବେଳକୁ ସେମାନଙ୍କ ମୃତ୍ୟୁ ହୋଇଯାଇଥିଲା ।    ଡ୍ୟାମ ଚାରି ପାଖ ବାଡ ନଥିବାରୁ ବାରମ୍ବାର ଏଭଳି ଘଟଣା ଘଟୁଥିବା ସ୍ଥାନୀୟ ଲୋକେ କହିଛନ୍ତି ।