ନିଳଗିରି,୨୭/୧୧(ଆ.ପ୍ର): ନିଳଗିରି ପୋଡ଼ାଶୂଳ ଛକ ନିକଟରେ ଏକ ଅଟୋ ଭାରସାମ୍ୟ ହରାଇ ଓଲଟି ୨ଜଣ ଶ୍ରମିକ ଆହତ ହୋଇଥିବା ବେଳେ ରାସ୍ତାରେ ଯାଉଥିବା ଅନ୍ୟ ଜଣେ ଯୁବକ ଗୁରୁତର ହୋଇଛନ୍ତି। ୩ଜଣଙ୍କୁ ଆମ୍ବୁଲାନ୍ସ ଯୋଗେ ନିଳଗିରି ମେଡିକାଲ ଅଣାଯାଇଛି।
ସୂଚନାଯୋଗ୍ୟ ଓଡ଼ି ୦୧ଏ ଏଫ- ୩୧୨୬ ନମ୍ବର ବିଶିଷ୍ଟ ଅଟୋ ବଣଭୁଈ ଅଞ୍ଚଳରୁ ଶ୍ରମିକଙ୍କୁ ଧରି ନିଳଗିରି ଆସୁଥିବା ବେଳେ ପୋଡାସୂଳ ଛକ ନିକଟରେ ଭାରସାମ୍ୟ ହରାଇ ପାଲଟି ଯାଇଥିଲା। ଅଟୋରେ ଥିବା ରାଇଗାଁ ଗ୍ରାମର ମଞ୍ଜୁ ସିଂ ଓ କନ୍ଦୁ ସିଂ ଆହତ ହୋଇଥିବା ବେଳେ ସଠିଲ ବଲଵଲିଆ ଗ୍ରାମର ରାଜେନ୍ଦ୍ର ବିଶ୍ଵାଳଙ୍କ ଉପରେ ଅଟୋଟି ପଡ଼ିଯିବା ଯୋଗୁଁ ତାଙ୍କ ମୁଣ୍ଡ, ହାତରେ ଗଭୀର ଆଘାତ ଲାଗିଛି। ରାଜେନ୍ଦ୍ର ଗୁରୁତର ଥିବାରୁ ନୀଳଗିରି ହସ୍ପିଟାଲରୁ ବାଲେଶ୍ଵର ମେଡ଼ିକାଲକୁ ସ୍ଥାନାନ୍ତର କରାଯାଇଛି। ନିଳଗିରି ପୋଲିସ ଘଟଣା ସ୍ଥଳରେ ପହଞ୍ଚି ଅଟୋକୁ ଜବତ କରି ଥାନାକୁ ଆଣିଛି।ତେବେ ବେଆଇନ ଭାବେ ଅଟୋରେ ୨୦ ରୁ ୩୦ ଶ୍ରମିକ ବିପଦ ସଂକୁଳ ଅବସ୍ଥାରେ ଅଟୋରେ ଛିଡା ହୋଇଯାଉଥିବା ବେଳେ ଏଭଳି ଅଘଟଣ ଘଟିଥିବା ଜଣାପଡିଛି।
