ବଡବିଲ,୨୬।୬ ଯୋଡା ଥାନା ବାଂଶପାଣି ଠାରେ ଟ୍ରକ୍ ଡ୍ରାଇଭରକୁ ମରଣାନ୍ତକ ଆକ୍ରମଣ କରି ଲୁଟ ଘଟଣାରେ ସଂପୃକ୍ତ ଦୁଇ ଅଭିଯୁକ୍ତଙ୍କୁ ଗିରଫ କରିଛି ଯୋଡ଼ା ପୋଲିସ୍। ସେମାନଙ୍କ ଠାରୁ କିଛି ଟଙ୍କା, ଘଟଣାରେ ବ୍ୟବହୃତ ଛୁରୀ ଓ ଲୁହା ରଡକୁ ପୋଲିସ୍ ଜବତ୍ କରିଛି ।
ଗତ ଶୁକ୍ରବାର ମଧ୍ୟ ରାତ୍ରୀରେ ଟ୍ରକ୍ ଡ୍ରାଇଭର ଏମଡି ଏଜାଜ ଆନସାରୀ ବାଂଶପାଣି ସାଇଡିଂରେ ଲୁହାପଥର ଅନଲୋଡ୍ କରିସାରିବା ପରେ ରାସ୍ତା କଡ଼ରେ ଗାଡ଼ି ରଖି ବିଶ୍ରାମ ନେଉଥିଲେ । ଏହି ସମୟରେ ୪/୫ ଜଣ ଦୃବୃର୍ତ୍ତ ହାତରେ ଭୁଜାଲୀ, କାଠ ଫାଳିଆ ଓ ଲୁହା ରଡ୍ ଆଦି ମାରଣାସ୍ତ୍ର ଧରି ଗାଡ଼ି ଭିତରକୁ ପଶି ଲୁଟ ଉଦ୍ୟମ କରିଥିଲେ । ତେବେ ଡ୍ରାଇଭର ଏଜାଜ ଆନସାରୀ ପ୍ରତିବାଦ କରିବାରୁ ସେମାନେ ତାଙ୍କୁ ମାରଣାସ୍ତ୍ରରେ ଆକ୍ରମଣ କରିଥିଲେ । ଫଳରେ ଡ୍ରାଇଭରଙ୍କ ମୁଣ୍ଡ ଓ କାନମୁଳରେ ଗଭୀର କ୍ଷତ ହୋଇ ରକ୍ତସ୍ରାବ ହୋଇଥିଲା । ପରେ ତାଙ୍କୁ ଚିକିତ୍ସା ନିମନ୍ତେ ଯୋଡା ଟାଟାଷ୍ଟିଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏନେଇ ଯୋଡ଼ା ଥାନାରେ ଅଭିଯୋଗ ହେବା ପରେ ପୋଲିସ୍ ଘଟଣାର ଛାନଭିନ କରି ଦୁଇ ଜଣଙ୍କୁ ଗିରଫ କରିବାରେ ସଫଳ ହୋଇଛି । ଘଟଣାରେ ସଂପୃକ୍ତ ଅନ୍ୟ ଅଭିଯୁକ୍ତ ମାନଙ୍କୁ ଖୁବ୍ ଶୀଘ୍ର ଗିରଫ କରାଯିବ ବୋଲି ବଡବିଲ ଏସ ଡି ପି ଓ କହିଛନ୍ତି । ଗିରଫ ଦୁଇ ଅଭିଯୁକ୍ତ ହେଲେ ଯୋଡା ବାଂଶପାଣି ଅଞ୍ଚଳର ପଙ୍କଜ ଗୁପ୍ତା ଏବଂ ରଘୁ ପୋତାଲ । ପଙ୍କଜ ନାଁ ରେ ପୂର୍ବରୁ ଯୋଡ଼ା ଏବଂ ବଡ଼ବିଲ ଥାନାରେ ଅପରାଧିକ ମାମଲା ରହିଛି ।
ଆହୁରି ପଢନ୍ତୁ : ଗଛତଳେ ନେଇଥିଲେ ଆଶ୍ରୟ : ବଜ୍ରପାତରେ ଚାଲିଗଲା ୩ ଜୀବନ, ୨ ଗୁରୁତର