ବ୍ରହ୍ମପୁର ,୧୧/୧୦: ବିଦେଶୀ ମଦ ଚାଲାଣ ଗାଡିକୁ ଧରିଲା ଦିଗପହଣ୍ଡି ପୋଲିସ । ଜବତ ହେଲା ୧୫୨ ଲିଟର ବିଦେଶୀ ମଦ । ଏହି ଘଟଣାର ସମ୍ପୃକ୍ତ ଥିବା ୨ ଜଣ ବେପାରୀଙ୍କୁ ଗିରଫ କରିଛି ପୋଲିସ । ଗଞ୍ଜାମ ଜିଲ୍ଲା ବ୍ରହ୍ମପୁର ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଦିଗପହଣ୍ଡି ପୋଲିସ ରାସ୍ତାରେ ଯାତାୟାତ କରୁଥିବା ଗାଡି ଗୁଡ଼ିକୁ ଯାଞ୍ଚ କରୁଥିଲା । ଏହି ସମୟରେ ଏକ ଗାଡ଼ି ଉପରେ ପୋଲିସର ସନ୍ଦେହ ହୋଇଥିଲା । ସନ୍ଦେହ ହେବାରୁ ପୋଲିସ ଉକ୍ତ ଗାଡ଼ିକୁ ଅଟକାଇ ଯାଞ୍ଚ କରିଥିଲା । ଯାଞ୍ଚ କରିବା ବେଳେ ଉକ୍ତ ଗାଡ଼ିରୁ ୧୫୨ ଲିଟର ବିଦେଶୀ ମଦ ଜବତ କରିଲା ପୋଲିସ । ଏହା ସହ ଏଥିରେ ସମ୍ପୃକ୍ତ ଥିବା ୨ ଜଣ ଅଭିଯୁକ୍ତଙ୍କୁ ମଧ୍ୟ ପୋଲିସ ଗିରଫ କରିଛି । ଏହା ସହ ଘଟଣାର ତଦନ୍ତ ଚଳାଇଛି ଦିଗପହଣ୍ଡି ପୋଲିସ ।
