ନୂଆଦିଲ୍ଲୀ,୨୫/୧୨ : ଡିସେମ୍ବର ୨୫ ତାରିଖ ଦେଶବାସୀଙ୍କ ପାଇଁ ବହୁତ ଖାସ୍ । ଏହି ଦିନ ପ୍ରିୟ ପୂର୍ବତନ ପ୍ରଧାନମନ୍ତ୍ରୀ ଜନ୍ମ ଗ୍ରହଣ କରିଥିଲେ । ୧୯୨୪ ଡିସେମ୍ବର ୨୫ ତାରିଖରେ ଜନ୍ମଗ୍ରହଣ କରିଥିଲେ ଅଟଳ ବିହାରୀ ବାଜପେୟୀ ।ଚଳିତ ବର୍ଷ ବାଜପେୟୀଙ୍କ ୧୦୦ତମ ଜନ୍ମଜୟନ୍ତୀ । ଦୂରଦୃଷ୍ଟି ଓ ସଂକଳ୍ପର ରାଷ୍ଟ୍ରନେତାଙ୍କୁ ସୈଦେବୀ ଅଟଳ ସ୍ମାରକୀରେ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମେତ ପ୍ରମୁଖ ବ୍ୟକ୍ତି ବିଶେଷ । ଆଜିର ଦିନକୁ ସୁଶାସନ ଦିବସ ରୂପେ ପାଳନ କରାଯାଉଛି । ଆସନ୍ତୁ ଜାଣିବା ଅଟଳ ବିହାରୀ ବାଜପେୟୀଙ୍କ ପ୍ରେମ କାହାଣୀଠୁ ନେଇ କିଛି ଜଣା ଅଜଣା କଥା ।
ଜଣେ ରାଷ୍ଟ୍ରନେତା ଭାବରେ ସେ ଅଗଣିତ ଭାରତୀୟଙ୍କ ପାଇଁ ପ୍ରେରଣା ଦେଇଥିଲେ । ବିକାଶ, ନେତୃତ୍ବ ଓ ସମ୍ବିଧାନକୁ ତିଆରି କରିଥିଲେ ଅଟଳ । ବଜେପେୟୀଙ୍କ ଚୁମ୍ବକୀୟ ବ୍ୟକ୍ତିତ୍ବ ଥିଲା । ସାହିତ୍ୟ ଓ ଅଭିବ୍ୟକ୍ତ ତାଙ୍କ ଜୀବନକୁ ସମୃଦ୍ଧ କରିଥିଲା । ୧୯୯୮ରେ ପ୍ରଧାନମନ୍ତ୍ରୀ ଭାବେ ଶପଥ ନେଇଥିଲେ ବାଜପେୟୀ । ଏ ଦେଶ ତାଙ୍କ ପ୍ରତି ସର୍ବଦା କୃତଜ୍ଞ ରହିବ । ଭାରତୀୟ ରାଜନୀତିର ଜଣେ ମହାନ ନେତା ଓ ପ୍ରଭାବଶାଳୀ ବିଚାରକ ଥିଲେ । ଅଟଳଙ୍କ ରାଜନୈତିକ କ୍ୟାରିୟର ତ ସମସ୍ତେ ଜାଣିଥିବେ ହେଲେ ତାଙ୍କ ବ୍ୟକ୍ତିଗତ ଜୀବନ ବିଷୟରେ ଖୁବ କମ ଜାଣିଥିବେ । ପ୍ରସିଦ୍ଧ ପତ୍ରକାର କୂଳଦୀପ ନାୟର ଅଟଳ ଓ ରାଜକୁମାରୀ କେଲଙ୍କ ସମ୍ପର୍କକୁ ଏକ ମହାନ ପ୍ରେମ କାହାଣୀ ବୋଲି କହିଛନ୍ତି । ଏହି ପ୍ରେମକୁ ଦୁଇଜଣ କୌଣସି ନାମ ଦେଇ ନଥିଲେ ସତ ମାତ୍ର ଏହା କାହାକୁ ଅଛପା ନଥିଲା ।
ମିଳିନଥିଲା ଚିଠିର ଉତ୍ତର- ୧୯୪୦ରେ ଅଟଳ ବିହାରୀ ବାଜପେୟୀ ଏବଂ ରାଜକୁମାରୀ କେଲ ଗ୍ବାଲିୟରର ଭିକ୍ଟୋରିଆ କଲେଜରେ ଏକାସଙ୍ଗରେ ପଢୁଥିଲେ। ସେବେ ସମୟ ଥିଲା ଯେବେ ଜଣେ ପୁଅ ଓ ଝିଅଙ୍କ ବନ୍ଧୁତାଙ୍କୁ ସ୍ବୀକାର କରାଯାଉନଥିଲା । ଏହି ସମୟରେ ରାଜକୁମାରୀଙ୍କୁ ଏକ ବହିରେ ରଖି ଲଭ ଲେଟର ଦେଇଥିଲେ । ମାତ୍ର ସେ ପ୍ରେମପତ୍ରର କୌଣିସ ଉତ୍ତର ମିଳିନଥିଲା । ରାଜକୁମାର କେଲ ଚିଠିର ଉତ୍ତର ଦେଇଥିଲେ ମାତ୍ର ତାହା କେବେ ବି ଅଟଳଙ୍କ ପାଖରେ ପହଞ୍ଚି ନଥିଲା । ପରବର୍ତ୍ତୀ ସମୟରେ ରାଜକୁମାରୀ ବ୍ରିଜ ନାରାୟଣଙ୍କୁ ବିବାହ କରିଥିଲେ ।
ବିବାହ କରିବାକୁ ଚାହୁଁଥିଲେ- ରାଜକୁମାରୀ କେଲଙ୍କ ଘନିଷ୍ଠ ବନ୍ଧୁଙ୍କ କହିବା ଅନୁସାରେ ଅଟଳ ବିହାରୀ ବାଜପେୟୀଙ୍କୁ ବିବାହ କରିବାକୁ ଚାହୁଁଥିଲେ ରାଜକୁମାରୀ । ମାତ୍ର ତାଙ୍କ ଘର ଲୋକ ପ୍ରସ୍ତୁତ ନଥିଲେ ।
