ବରଗଡ଼, ୦୧/୦୬ : ବାଘଛାଲ ବେପାରୀଙ୍କୁ ୩ ବର୍ଷ ଜେଲଦଣ୍ଡାଦେଶ ସହ ୧୦ ହଜାର ଟଙ୍କାର ଜରିମାନା। ଅଭିଯୁକ୍ତ ଜଣଙ୍କ ହେଉଛନ୍ତି ବରଗଡ଼ ଜିଲ୍ଲା ଭଟଲୀ ଥାନା ଖଜୁରିଆ ଗ୍ରାମର ସତ୍ୟବାନ ସାହୁ। ସତ୍ୟବାନଙ୍କୁ ଏହି ଦଣ୍ଡାଦେଶ ଦେଇଛନ୍ତି ବରଗଡ଼ କୋର୍ଟ।
ସୂଚନାନୁଯାୟୀ, ୨୦୨୦ ମସିହା ନଭେମ୍ଵର ୨୪ରେ ବାଘଛାଲ କାରବାର କରୁଥିବା ବେଳେ ସତ୍ୟବାନ ସାହୁଙ୍କୁ ଗିରଫ କରିଥିଲା ଭୁବନେଶ୍ଵର ଏସଟିଏଫ୍। ତାଙ୍କ ନିକଟରୁ ବାଘ ଛାଲ ସମେତ ଅନ୍ୟାନ୍ୟ ଜିନିଷ ଜବତ ହୋଇଥିଲା। ଏହି ବାଘଛାଲକୁ ରୀକ୍ଷା ପାଇଁ ଡେରାଡୁନ ପଠାଯାଇଥିଲା। ତେବେ ସମସ୍ତ ସାକ୍ଷ୍ୟ ପ୍ରମାଣକୁ ଆଧାର କରି ସତ୍ୟବାନ ସାହୁଙ୍କୁ ଦୋଷୀ ସାବ୍ୟସ୍ତ କରିଛନ୍ତି ବରଗଡ଼ କୋର୍ଟ। ତାଙ୍କୁ ୩ ବର୍ଷ ଜେଲଦଣ୍ଡାଦେଶ ସହ ୧୦ ହଜାର ଟଙ୍କା ଜରିମାନା ନିର୍ଦ୍ଦେଶ ଦେଇଛନ୍ତି କୋର୍ଟ।
